The Rose Villa: సస్పెన్స్ థ్రిల్లర్‏గా ‘ది రోజ్ విల్లా’.. ట్రైలర్ రిలీజ్ చేసిన బిగ్‏బాస్ ఫేమ్ సోహేల్..

రాజా రవీంద్ర ప్రధాన పాత్రలో నటిస్తున్న సినిమా ‘ది రోజ్‌విల్లా’. ఈ సినిమాలో దీక్షిత్ షెట్టి, శ్వైత వర్మ కీలక పాత్రలో నటిస్తున్నారు. మంగళవారం ఈ సినిమా ట్రైలర్‌ను బిగ్‌బాస్‌ ఫేమ్‌ సోహేల్‌ విడుదల చేశారు. తాజాగా విడుదలైన ట్రైలర్ చూస్తే సస్పెన్స్ థ్రిల్లర్‏గా ఈ సినిమా ఉండబోతున్నట్లుగా కనిపిస్తోంది. ‘ఇంత పెద్ద ఇంట్లో మీరిద్దరే ఉంటున్నారా’ అనే డైలాగ్‌తో మొదలైన ఈ ట్రైలర్‌ సస్పెన్స్‏తో కనపిస్తుంది. ఈ సినిమాకు హేమంత్‌ దర్శకత్వం వహిస్తున్నారు. చిత్రమందిర్‌ స్టూడియో పేరుతో అచ్యుత రామారావు ఈ మూవీని నిర్మిస్తున్నారు. ‘మనం ప్రేమించినోళ్లు మన కళ్ల ముందే చనిపోతుంటే.. ఏం చేయలేని పరిస్థితుల్లో నువ్వుంటే అది ఎంత నరకంగా ఉంటుందో తెలుసా నీకు’ అని రాజారవీంద్ర డైలాగ్స్ చాలా మిస్టరీయస్‌గా అనిపిస్తున్నాయి.

Also Read:

Asalem Jarigindi Teaser: ‘అసలేం జరిగింది’ సినిమా టీజర్ రిలీజ్ చేసిన హీరో సునీల్.. మూవీ హీరో శ్రీరామ్ గురించి ఏం చెప్పాడంటే..