‘ది ఫ్యామిలీ మ్యాన్ 2’ సిరీస్ రిలీజ్ డేట్ ఫిక్స్.. వచ్చే ఏడాదిలో ప్రారంభం కానున్న.. ఎప్పుడంటే ?..

లాక్ డౌన్ ప్రభావంతో అందరు ఆన్‏లైన్ స్ట్రీమింగ్ సంస్థలపై ఆధారపడ్డారు. ఇందులో ఎక్కువ ప్రాముఖ్యం కలిగింది అమెజాన్ ప్రైమ్. ఇక ఇటీవల అమెజాన్ ప్రైమ్‍లో స్ట్రీమ్ అయిన వెబ్ సిరీస్ ది ఫ్యామిలీ మ్యాన్ మంచి విజయాన్ని సాధించింది. భారత్‏లో మీర్జాపూర్ 2కు ఎక్కువగా వ్యూస్ లభించాయి. ఆ తర్వాత స్థానంలో ది ఫ్యామిలీ మ్యాన్ సిరీస్ నిలిచింది. అటు బాలీవుడ్ ప్రేక్షకులతో పాటు, సౌత్ ఇండియన్ ప్రేక్షకులు కూడా ది ఫ్యామిలీ మ్యాన్ 2 సిరీస్ కోసం ఎంతగానో ఎదురు చూస్తున్నారు.

ఎట్టకేలకు ది ఫ్యామిలీ మ్యాన్ 2 సిరీస్ ప్రారంభం కాబోతుందని తెలుస్తోంది. ఈ వెబ్ సిరీస్ ను ఫిబ్రవరి 15న స్ట్రీమింగ్ చేయడానికి సన్నాహాలు చేస్తున్నట్లుగా సమాచారం. దీని గురించి ఇప్పటివరకు యూనిట్ సభ్యుల నుంచి ఏలాంటి అధికారిక ప్రకటన రాలేదు. కానీ ఈ సిరీస్ ప్రారంభం గురించి మీడియా వర్గాల నుంచి ఎప్పటికప్పుడు సమాచారం వస్తుంది. ఈసారి తెలుగులో కూడా ఈ సిరీస్ స్ట్రీమింగ్ కానున్నట్లు టాక్ వినిపిస్తోంది. మొత్తానికి మోస్ట్ వెయిటెడ్ వెబ్ సిరీస్ ది ఫ్యామిలీ మ్యాన్ 2 చూడడం కోసం ఎంతోమంది ఆసక్తిగా ఎదురుచూస్తున్నారు.