Bigg Boss Telugu 8: బిగ్ బాస్ హౌస్‌లోకి ప్రముఖ బుల్లితెర నటి.. వైల్డ్ కార్ట్ ఎంట్రీకి రంగం సిద్ధం

ఈసారి కంటెస్టెంట్లు ఎంపిక పై కొన్ని విమర్శలు వినిపిస్తున్నాయి.ఈ సారి భారీగా సోషల్ మీడియా ఇన్‌ఫ్లూయెన్సర్లు హౌస్ లోకి వచ్చారు. దీంతో బుల్లితెర ప్రేక్షకులకు ఈ కంటెస్టెంట్లను గుర్తుపట్టడమే కష్టంగా మారింది. దీంతో ఎలిమినేషన్లు జరుగుతుండగానే హౌస్ లోకి వైల్డ్ కార్డు ఎంట్రీలను రెడీ చేస్తున్నట్లు సమాచారం. ఈ నేపథ్యంలో తెలుగు, కన్నడ ప్రేక్షకుల్లో భారీ ఫాలోయింగ్ ఉన్న..

Biggboss Telugu 8

Basha Shek |
Updated on: Sep 08, 2024 | 10:45 AM

బిగ్‌బాస్ తెలుగు 8 సీజన్ ప్రారంభమై వారం పూర్తి కావోస్తోంది. నామినేషన్లు, ఓటింగ్ గట్రా కూడా ముగిసిపోయాయి. ఈ ఆదివారం (సెప్టెంబర్ 08) ఒక కంటెస్టెంట్ బయటకు వెళ్లనున్నారు కూడా. అంటే హౌస్ లో 13 మంది కంటెస్టెంట్స్ మాత్రమే మిగులుతారు. కాగా గత సీజన్లతో పోల్చితే ఈసారి కంటెస్టెంట్లు ఎంపిక పై కొన్ని విమర్శలు వినిపిస్తున్నాయి.ఈ సారి భారీగా సోషల్ మీడియా ఇన్‌ఫ్లూయెన్సర్లు హౌస్ లోకి వచ్చారు. దీంతో బుల్లితెర ప్రేక్షకులకు ఈ కంటెస్టెంట్లను గుర్తుపట్టడమే కష్టంగా మారింది. దీంతో ఎలిమినేషన్లు జరుగుతుండగానే హౌస్ లోకి వైల్డ్ కార్డు ఎంట్రీలను రెడీ చేస్తున్నట్లు సమాచారం. ఈ నేపథ్యంలో తెలుగు, కన్నడ ప్రేక్షకుల్లో భారీ ఫాలోయింగ్ ఉన్న జ్యోతి రాయ్ అలియాస్ జగతి మేడం వైల్డ్ కార్డు ఎంట్రీతో బిగ్ బాస్ హౌస్ లోకి అడుగు పెడుతున్నట్లు సమాచారం. కాగా బిగ్‌బాస్ తెలుగు సీజన్ 8 ప్రారంభానికి ముందు జ్యోతిరాయ్‌ని సంప్రదించారట. అయితే ఆమె తన షూటింగుల్లో బిజీగా ఉండడంతో రెగ్యులర్ కంటెస్టెంట్ గా హౌస్ లోకి వెళ్లలేని పరిస్థితి ఉందట. తన పెండింగ్ షూటింగ్స్ కంప్లీట్ చేసిన తర్వాతే బిగ్ బాస్ హౌస్ లోకి వస్తానని కరాఖండిగా చెప్పేసిందట జగతి మేడమ్.

జగతి మేడమ్ సమాధానం తో సంతృప్తి చెందిన బిగ్ బాస్ నిర్వాహకులు ఆమెను వైల్డ్ కార్డు ఎంట్రీకి అవకాశం ఇచ్చారట. దీనికి ఆమె కూడా అంగీకరించిందట. ఒకవేళ అన్నీ అనుకున్నట్లు జరిగితే బిగ్ బాస్ నాలుగో వారం లేదా ఐదో వారంలో జగతి మేడమ్ బిగ్ బాస్ హౌస్ లోకి అడుగుపెట్ట వచ్చనే ఊహాగానాలు వినిపిస్తున్నాయి. గుప్పెడంత మనసు సీరియల్ లో జగతి మేడంగా బుల్లితెర ఆడియెన్స్ కు బాగా దగ్గరైంది జ్యోతి రాయ్. ఇక సోషల్ మీడియాలోనూ ఈ ముద్దుగుమ్మకు ఓ రేంజ్ లో ఫాలోయింగ్ ఉంది. తన గ్లామరస్ ఫొటోలు, వీడియోలకు నెటిజన్ల నుంచి సూపర్ రెస్పాన్స్ వస్తుంటుంది. అన్నట్లు ఈ ముద్దుగుమ్మ సినిమాల్లోకి కూడా ఎంట్రీ ఇవ్వనున్నట్లు సమాచారం.

ఇవి కూడా చదవండి