ఆర్‌ఆర్‌ఆర్‌లో అజయ్దేవ్గన్ పాత్ర అదేనా..!
సెన్సేష‌న‌ల్‌ డైరెక్టర్‌ ఎస్‌ఎస్‌ రాజమౌళి దర్శకత్వంలో అత్యంత ప్రతిష్టాత్మకంగా తెరకెక్కుతోన్న చిత్రం ఆర్‌ఆర్‌ఆర్‌. టాలీవుడ్ అగ్ర హీరోలు రామ్ చరణ్‌, జూనియ‌ర్ ఎన్టీఆర్‌ కాంబినేషన్‌లో వస్తోన్న ఈ చిత్రంలో బాలీవుడ్, హాలీవుడ్ యాక్ట‌ర్స్ కీల‌క పాత్ర‌ల్లో కనిపించ‌బోతున్నారు.
సెన్సేష‌న‌ల్‌ డైరెక్టర్‌ ఎస్‌ఎస్‌ రాజమౌళి దర్శకత్వంలో అత్యంత ప్రతిష్టాత్మకంగా తెరకెక్కుతోన్న చిత్రం ఆర్‌ఆర్‌ఆర్‌. టాలీవుడ్ అగ్ర హీరోలు రామ్ చరణ్‌, జూనియ‌ర్ ఎన్టీఆర్‌ కాంబినేషన్‌లో వస్తోన్న ఈ చిత్రంలో బాలీవుడ్, హాలీవుడ్ యాక్ట‌ర్స్ కీల‌క పాత్ర‌ల్లో కనిపించ‌బోతున్నారు. ప్ర‌భుత్వం ప‌ర్మిష‌న్ ఇచ్చిన నేప‌థ్యంలో త్వర‌లోనే క‌రోనా సోకకుండా జాగ్ర‌త్తలు పాటిస్తూ చిత్ర షూటింగ్ ప్రారంభించనున్నారు. కాగా బాలీవుడ్ నుంచి అజయ్దేవ్గన్, అలియా భట్ ఈ మూవీలో యాక్ట్ చేస్తున్నారు. తాజాగా అజయ్దేవ్గన్ పాత్రకు సంబంధించిన వార్త ఒకటి ఇండ‌స్ట్రీ స‌ర్కిల్ లో హ‌ల్ చ‌ల్ చేస్తోంది. ఈ చిత్రంలో అల్లూరి సీతారామరాజు, కొమ్రం భీమ్ ల‌కు అజయ్దేవ్గన్ మెంటర్‌గా వ్యవహరించ‌బోతున్నార‌ట. ఫ్లాష్‌బ్యాక్‌ ఎపిసోడ్స్‌లో కీలకంగా ఉండే పాత్రలో అజయ్‌ కనిపించనున్నాడని టాక్ న‌డుస్తోంది.
రామోజీ ఫిలింసిటీలో వేసిన 1900 కాలం నాటి ఢిల్లీ సెట్స్‌లో ఇప్పటికే అజయ్దేవ్గన్ 10 రోజులు షూటింగ్‌లో పాల్గొన్నట్లు సమాచారం. షూటింగ్ మొదలవగానే అజయ్దేవ్గన్ కాంబినేష‌న్ లో ఉన్న సీన్స్ ముందుగా తెర‌కెక్కించ‌నున్న‌ట్లు తెలుస్తోంది. అప‌జ‌యమెరుగ‌ని ద‌ర్శ‌కుడు రాజమౌళి తీస్తోన్న ఈ మూవీపై భారీ అంచ‌నాలున్నాయి.
