అరవ సినిమా అడ్డం తిరిగిందా..? కోలీవుడ్‌లో కాక రేపుతున్న దళపతి ఫ్యాక్టర్..

కోలీవుడ్‌లో నిన్నమొన్నటిదాకా ఓ రచ్చబండ షురూ ఐంది. రెమ్యూనరేషన్ల గొడవలొచ్చి తమిళ హీరోలు, తమిళ నిర్మాతలు రెండు గ్రూపులుగా విడిపోయారు. లాభాలే కాదు నష్టాలు కూడా పంచుకోవాల్సిందే అని ప్రొడ్యూసర్లు మారాం చేస్తే ఉన్న పళంగా షూటింగులు బందైపోయి.. ఇండస్ట్రీ మొత్తం సైలెంట్ మోడ్‌లోకి వెళ్లింది. అది మేనెల ఫస్ట్ వీక్‌. సరిగ్గా ఇదే టైమ్‌లో, ఇంకో కార్నర్‌ నుంచి పెద్ద బ్రేకింగ్ న్యూస్. ఒక సినిమా హీరో ముఖ్యమంత్రి కుర్చీనెక్కారని. మావోడు డైరెక్టుగా సీఎమ్మే అయ్యాడు.. ఇంకేముంది.. ప్రతిరోజూ పండగే అనుకుంది తమిళ పరిశ్రమ. కానీ, ఇల్లగ్గానే పండగైపోలేదక్కడ. విజయ్ విక్టరీ కొట్టాడో లేదో పరిశ్రమలో ఒక్కసారిగా అదోరకం నిశ్శబ్దం. కొద్దికొద్దిగా ఆ నిశ్శబ్దం బద్దలౌతోందా? తమిళ రాజకీయాల్లో వచ్చిన పెనుమార్పు తమిళ సినిమాను ఎటువైపు తీసుకెళ్తున్నట్టు? కొత్త బాధ్యతలు తీసుకున్న సోదరుడు విజయ్‌ గారిని స్వయంగా కలిసి శుభాకాంక్షలు తెలియజేశా… ఆయన ఆతిథ్యం అద్భుతం.. ఆయన ఆలోచనలు అంతకంటే అద్భుతం.. ఆయన చూపిన ఆప్యాయతకు ఉబ్బితబ్బిబ్బైపోయా.. అంటూ తన్మయత్వంతో ఊగిపోతూ ట్వీట్ చేశారు లోకనాయకుడు కమల్‌హాసన్. ఇదే కమల్‌హాసన్ ఎన్నికలకు ముందు విజయ్ పార్టీకి అటువైపు నిలబడ్డ కథానాయకుడేగా? డీఎంకేతో కలిసి విజయ్ గెలుపును ప్రత్యక్షంగా అడ్డుకోబోయిన బాపతేగా? ఎన్నికల తర్వాత కథ పూర్తిగా మారిపోయింది. మై డియర్ బ్రో అంటూ రిలేషన్ కలుపుకుని అడక్కుండానే విజయ్‌కు ఆలింగనం ఇచ్చారు కమల్. తమిళనాట ఇటువంటి డామిట్ అడ్డం తిరిగిన కథలు ఇంకా...