Suriya: ముంబైలో లగ్జరీ ఫ్లాట్ కొన్న హీరో సూర్య.. ధర ఎన్ని కోట్లో తెలిస్తే మతి పోవాల్సిందే..!
దక్షిణాది చిత్ర పరిశ్రమలో అగ్ర హీరోలల్లో ఒకరైన సూర్య .. తన విభిన్న పాత్రలతో అభిమానులను కట్టిపడేస్తుంటారు. అందుకే సూర్య ప్రతి చిత్రం కూడా..
Updated on: Mar 21, 2023 | 7:53 AM
కోలీవుడ్ నటుడు సూర్యకు తెలుగులో కూడా మంచి ఫ్యాన్ ఫాలోయింగ్, మార్కెట్ ఉంది. ఇక దక్షిణాది చిత్ర పరిశ్రమలో అగ్ర హీరోలల్లో ఒకరైన సూర్య .. తన విభిన్న పాత్రలతో అభిమానులను కట్టిపడేస్తుంటారు. అందుకే సూర్య ప్రతి చిత్రం తమిళనాడులో మాదిరిగానే తెలుగు రాష్ట్రాల్లో కూడా అదే స్థాయిలో విడుదల చేస్తారు. ఆకాశం నీ హద్దురా, జై భీమ్, విక్రమ్(కామియో రోల్) వంటి సినిమాలతో ప్రేక్షకుల ముందుకు వచ్చిన సూర్య.. ప్రస్తుతం శివ దర్శకత్వంలో ‘సూర్య 42’ (పాన్ ఇండియా) చిత్రంలో నటిస్తున్నారు. అయితే తాజాగా సూర్యకు సంబంధించిన ఓ వార్త నెట్టింట తెగ వైరల్ అవుతోంది. అదేమిటంటే..?
సూర్య తన ఫ్యామిలీతో సహా ముంబైకి షిఫ్ట్ అవుతున్నారనే విషయం ఇప్పుడు చర్చకు వచ్చింది. ఈ క్రమంలోనే ఆయన ముంబైలో రూ. 70 కోట్లతో ఖరీదైన ఫ్లాట్ కూడా కొనుగోలు చేశారని,. సెలబ్రిటీలు ఎక్కువగా నివసించే గేటెడ్ కమ్యూనిటీలోనే ఈ ఫ్లాట్ ఉందని నెటిజన్లు చర్చించుకుంటున్నారు. ఇక ఈ ఫ్లాట్ దాదాపు 9 వేల చదరపు అడుగుల విస్తీర్ణం కలిగి ఉందని.. త్వరలోనే చెన్నై నుంచి ముంబయికి షిఫ్ట్ అవ్వాలని సూర్య- జ్యోతిక దంపతులు భావిస్తున్నారని తెలుస్తోంది.
కాగా, సూర్య కొనుగోలు చేశారని చెప్పుకుంటున్న రూ.70 కోట్ల ఫ్లాట్లో గార్డెన్ స్పేస్, అలాగే పార్కింగ్ స్పాట్, స్విమ్మింగ్ పూల్, జిమ్. లైబ్రరీ, థియేటర్ ఇలా అన్ని ఆధునిక హంగులు కలిగి ఉన్నాయట. ఆ ఫ్లాట్ అసలు ధర రూ.68 కోట్లు కాగా.. మిగిలిన రూ.2 కోట్లు అపార్ట్మెంట్ బుకింగ్, ఇతర ఖర్చుల కోసం కోసం వెచ్చించినట్లు నెటిజన్లు చెప్పుకుంటున్నారు. ఇక సూర్య- జ్యోతిక జంట 2006లో ప్రేమ పెళ్లి చేసుకున్న సంగతి తెలిసిందే. వారికి దియా, దేవ్ అనే ఇద్దరు పిల్లలు ఉన్నారు.
Suriya Family
మరిన్ని ఎంటర్టైన్మెంట్ వార్తల కోసం క్లిక్ చేయండి..
