ప్రమాదం నుంచి బయటపడ్డ ‘ఇండియన్ ఐడల్ 12’ విజేత పవన్దీప్ రాజన్!
'ఇండియన్ ఐడల్ సీజన్ 12' విజేత పవన్దీప్ రాజన్ కొన్ని రోజుల క్రితం ఘోర కారు ప్రమాదానికి గురయ్యాడు. గాయపడిన స్థితిలో ఆసుపత్రిలో చేరిన పవన్దీప్ వైరల్ వీడియో చూసిన తర్వాత, అతని అభిమానులు తమ అభిమాన గాయకుడి ఆరోగ్యం గురించి చాలా ఆందోళన చెందారు. తాజాగా ఆయన కోలుకుంటున్న ఫోటో ఒకటి బయటకు వచ్చింది. దీంతో అంతా ఉపిరి పీల్చుకుంటున్నారు.
ప్రముఖ గాయకుడు ‘ఇండియన్ ఐడల్ 12’ విజేత పవన్దీప్ రాజన్ కోలుకున్నాడు. ఇటీవల కారు ప్రమాదానికి గురైన పవన్దీప్ ఐసియులో ఉంచారు. తాజాగా పవన్దీప్ కోలుకుని స్పృహలోకి వచ్చాడని వైద్యులు తెలిపారు. పూర్తిగా ప్రమాదం నుండి బయటపడ్డాడు. స్పృహలోకి వచ్చిన తర్వాత పవన్దీప్ మొదటి ఫోటో బయటకు వచ్చింది. ఈ ఫోటోను చూసిన లక్షలాది మంది అతని అభిమానులు ఊపిరి పీల్చుకున్నారు. ఈ చిత్రంలో, పవన్దీప్ హాస్పిటల్ బెడ్పై పడుకుని నవ్వుతూ కనిపిస్తున్నాడు.
మే 5న పవన్దీప్ రాజన్ ఉత్తరప్రదేశ్లోని మొరాదాబాద్ సమీపంలో ఘోర కారు ప్రమాదానికి గురయ్యాడు. కారు నియంత్రణ కోల్పోవడంతో రోడ్డు పక్కన ఆగి ఉన్న క్యాంటర్ ట్రక్కును ఢీకొట్టింది. ఈ ప్రమాదంలో ఆయన కారు తీవ్రంగా దెబ్బతింది. పవన్దీప్తో పాటు కారులో ఉన్న మరో ఇద్దరు వ్యక్తులు తీవ్రంగా గాయపడ్డారు. ప్రమాద వార్త తెలియగానే, అతని అభిమానులు, సంగీత ప్రపంచంలో విషాదఛాయలు అలుముకున్నాయి. అందరూ అతను త్వరగా కోలుకోవాలని ప్రార్థిస్తున్నారు.
ప్రమాదం జరిగిన వెంటనే, ప్రథమ చికిత్స అందించిన తర్వాత, పవన్దీప్ రాజన్ను మెరుగైన చికిత్స కోసం ఢిల్లీలోని ఒక పెద్ద ఆసుపత్రికి తరలించారు. ఈ ప్రమాదంలో పవన్దీప్ రెండు కాళ్లు, ఒక చేతిలో పగుళ్లు వచ్చాయని, దాని కారణంగా అతను చాలా నొప్పితో బాధపడ్డాడని వైద్యులు తెలిపారు. అయితే, ఇప్పుడు బయటకు వచ్చిన చిత్రంలో, అతని ముఖంలో వాపు కనిపిస్తుంది. కానీ అతని చిరునవ్వు అభిమానులకు ధైర్యాన్ని ఇచ్చింది.
పవన్దీప్ రాజన్ రోడ్డు ప్రమాదం తర్వాత, ఉత్తరాఖండ్ ముఖ్యమంత్రి పుష్కర్ సింగ్ ధామి ఆయన ఆరోగ్యం కోసం ప్రార్థించారు. “ప్రముఖ గాయకుడు, దేవభూమి ఉత్తరాఖండ్ కుమారుడు పవన్దీప్ రాజన్ రోడ్డు ప్రమాదంలో గాయపడ్డారనే విచారకరమైన వార్త అందింది. ఆయన త్వరగా కోలుకోవాలని దేవుడిని ప్రార్థిస్తున్నాను” అని సోషల్ మీడియా ప్లాట్ఫామ్ ‘ఎక్స్’లో ఆయన రాశారు.
सुप्रसिद्ध गायक, देवभूमि उत्तराखंड के सपूत श्री पवनदीप राजन जी के सड़क दुर्घटना में घायल होने का दुःखद समाचार प्राप्त हुआ। ईश्वर से उनके शीघ्र स्वास्थ्य लाभ की कामना करता हूँ।
— Pushkar Singh Dhami (@pushkardhami) May 5, 2025
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి..