Y Vijaya: ఆ హీరోయిన్ వల్లే ఇలా బతుకుతున్న.. లేదంటే రోడ్డున పడేదాన్ని.. నటి వై. విజయ..

సీనియర్ నటి వై.విజయ తన ఆస్తుల గురించి వస్తున్న రూమర్స్ పై స్పందించారు. అలాగే దివంగత నటి సావిత్రి జీవితం నుండి ప్రేరణ పొంది ఆర్థికంగా స్థిరపడినట్లు తెలిపారు. ఇండస్ట్రీలోని ఓ హీరోయిన్ సలహా మేరకు తంజావూరులో కల్యాణ మండపం, కాంప్లెక్స్‌లు నిర్మించి, అప్పులు లేకుండా జీవిస్తున్నానని పేర్కొన్నారు. తెలుగు ప్రేక్షకులు, నిర్మాతల మద్దతుతో వందలాది చిత్రాలలో నటించానని, సినీ పరిశ్రమలోని క్రమశిక్షణతో కూడిన గోల్డెన్ డేస్ గుర్తు చేసుకున్నారు.

Y. Vijaya

Rajitha Chanti |
Updated on: Nov 06, 2026 | 5:32 PM

సీనియర్ నటి వై.విజయ దశాబ్దాల సినీ ప్రయాణంలో ఎన్నో వందల చిత్రాల్లో నటించి మెప్పించారు. సహాయ నటిగా వైవిధ్యమైన పాత్రలు పోషించి తనదైన ముద్రవేశారు. ఇటీవల ఓ ఇంటర్వ్యూలో తన సుదీర్ఘ సినీ ప్రయాణం, ఆర్థిక ప్రణాళికలు, పరిశ్రమలోని అప్పటి పరిస్థితుల గురించి వివరించారు. తన ఆస్తులు వందల కోట్లు అనే వదంతులపై స్పష్టతనిస్తూ, అవి నిజం కాదని అన్నారు. శోభన్ బాబు ఒకసారి భూములపై పెట్టుబడులు పెట్టమని సలహా ఇచ్చారని, అయితే అప్పట్లో ఆ విషయం తనకు తెలియకపోవడం వల్ల పెద్దగా పెట్టుబడులు పెట్టలేదని తెలిపారు. మహానటి సావిత్రి జీవిత చరిత్ర విన్న తర్వాత, సినిమా వృత్తి ఎల్లప్పుడూ ఉండకపోవచ్చని గ్రహించి, ప్రత్యామ్నాయ ఆదాయ మార్గాలను వెతుక్కోవాలని నిర్ణయించుకున్నట్లు వై.విజయ చెప్పారు. ఈ ఆలోచన చెన్నై నుండి హైదరాబాద్‌కు మారే సమయంలో బలపడిందని, అప్పుడు తాను, తన భర్త కలిసి ఒక పక్కా ఆర్థిక ప్రణాళికను రూపొందించుకున్నామని వివరించారు. ఆ సమయంలో నటి విజయశాంతి ఇచ్చిన సలహా తనకు ఎంతో ఉపయోగపడిందని వై.విజయ పేర్కొన్నారు. విజయశాంతి స్వయంగా 50,000 రూపాయలతో ఏదైనా పెట్టుబడి పెట్టాలని సూచించగా, తాను 10,000 రూపాయలు ఉన్నా చాలు అనుకున్నానని సరదాగా గుర్తు చేసుకున్నారు.

ఎక్కువ మంది చదివినవి : VV Vinayak : ఆ హీరోతో సినిమా చేయాలని చాలాసార్లు అనుకున్నా.. ప్రతిసారి మిస్సయ్యింది.. డైరెక్టర్ వివి వినాయక్..

ఈ ఆలోచనల ఫలితంగా, తన భర్త తంజావూరులో కల్యాణ మండపం మరియు కాంప్లెక్స్ నిర్మించినట్లు ఆమె వెల్లడించారు. తన పేరు మీద “విజయ కల్యాణ మండపం” అని, కుమార్తె పేరు మీద “అను కాంప్లెక్స్” అని వాటికి పేరు పెట్టారు. ఈ పెట్టుబడులు తమకు అప్పులు చేయకుండా, ఎవరికీ చేయి చాచాల్సిన అవసరం లేకుండా ఆర్థిక స్థిరత్వాన్ని ఇచ్చాయని, ఇప్పటివరకు దైవ కృపతో ఎటువంటి ఆర్థిక సమస్యలు లేవని వై.విజయ సంతోషంగా పంచుకున్నారు.

ఎక్కువ మంది చదివినవి : Jayachitra: ఆ హీరో డైలాగ్ చెబితే సింహం గర్జనలా ఉంటుంది.. కానీ సెట్ లో చేసే అల్లరి మాములుగా ఉండదు.. సీనియర్ హీరోయిన్..

తన కెరీర్‌లో తెలుగు ప్రొడ్యూసర్లు ఇచ్చిన మద్దతుకు వై.విజయ కృతజ్ఞతలు తెలిపారు. సుమారు వందకు పైగా చిత్రాలలో నటించానని, “పులుసు” అనే పేరుతోనే అనేక సినిమాలలో కనిపించానని గుర్తుచేసుకున్నారు. అప్పట్లో తాను ఎప్పుడూ ఎక్కువ పారితోషికం డిమాండ్ చేయలేదని, నిర్మాతలను ఇబ్బంది పెట్టకుండా స్లో అండ్ స్టడీగా ముందుకు వెళ్లాలని తన భర్త సలహా ఇచ్చారని చెప్పారు. నిర్మాతలు బాగుంటేనే తాము బాగుంటామని, వారికి లాభాలు వస్తేనే మళ్లీ అవకాశాలు వస్తాయని ఆమె స్పష్టం చేశారు. తమకు సినిమా నేపథ్యం లేకపోవడం వల్ల, వృత్తిపైనే పూర్తి దృష్టి పెట్టానని, చేసిన ప్రతి సినిమా హిట్ అయ్యిందని, వందలాది రోజుల పాటు ఆడిన అనేక చిత్రాల జ్ఞాపకాలను భద్రంగా దాచుకున్నానని ఆమె తెలిపారు.