మెగా పవర్స్టార్ రామ్ చరణ్ తబ్బిబ్బవుతున్నాడు. చాలా సంతోషంగా ఉందంటూ సోషల్ మీడియాలో తన ఆనందాన్ని షేర్ చేసుకున్నాడు. ఇంతకీ ఇంతలా చెర్రీని సంతోషానికి గురి చేసింది ఏంటంటే విదేశీ ‘అభిమానం’. అవును జపాన్వాసుల అభిమానం రామ్ చరణ్ను ఆనందంలో పొంగిపోయేలా చేసింది.
అసలు విషయం ఏంటంటే.. గత నెల రామ్ చరణ్ పుట్టినరోజును జరుపుకున్న విషయం తెలిసిందే. ఆ సందర్భంగా జపాన్ నుంచి కొంతమంది అభిమానులు ఆయనకు శుభాకాంక్షలు చెబుతూ గిఫ్ట్లు పంపారు. అయితే అవి చెర్రీకి చాలా ఆలస్యంగా చేరాయి. దీంతో వాటిని చూసి సర్ప్రైజ్ అయిన చెర్రీ.. ఓ ఫొటోను తీసి సోషల్ మీడియాలో షేర్ చేశాడు. ‘‘జపాన్ నుంచి స్వీట్ సర్ప్రైజ్ వచ్చింది. మీ అందరి ప్రేమ నన్ను ఆనందానికి గురిచేసింది. జపాన్లోని నా అభిమానులందరికీ లవ్ యు. మిమ్మల్ని త్వరలోనే కలవాలని భావిస్తున్నా. థ్యాంక్ యు జపాన్’’ అంటూ చెర్రీ కామెంట్ పెట్టాడు. కాగా చెర్రీ ప్రస్తుతం రాజమౌళి దర్శకత్వంలో ‘ఆర్ఆర్ఆర్’లో నటిస్తోన్న విషయం తెలిసిందే. ఇందులో చెర్రీ అల్లూరి సీతారామరాజు పాత్రలో కనిపించనున్నాడు.