ఆ క్రేజీ కాంబినేషన్ మరోసారి రిపీట్.. సూపర్ స్టార్ రజినీ కాంత్ తరువాతి సినిమా డైరెక్టర్ అతడేనా ?

Actor RajiniKanth : సూపర్ స్టార్ రజినీ కాంత్ ప్రస్తుతం యాక్షన్ డైరెక్టర్ శివ దర్శకత్వంలో ‘అన్నాత్తె’ సినిమా చేస్తున్నాడు. కరోనా కారణంగా ఈ మూవీకి బ్రేక్ పడింది. తిరిగి గతేడాది డిసెంబర్‏లో ఈ సినిమా చిత్రీకరణ ప్రారంభించారు. షూటింగ్ స్టార్ట్ చేసిన కొద్ది రోజులకే యూనిట్ సభ్యులలో నలుగురికి కరోనా రావడం, రజినీ అస్వస్తతకు గురికావడంతో మళ్లీ ఈ మూవీ షూటింగ్ వాయిదా పడింది. తాజాగా రజినీ చేయబోయే తదుపరి సినిమా గురించి మరో అప్‏డేట్ కోలివుడ్‏లో వినిపిస్తోంది.

రజనీ కాంత్, డైరెక్టర్ కార్తీక్ సుబ్బరాజ్ కాంబినేషన్ మరోసారి రిపీట్ కానున్నట్లుగా టాక్ వినిపిస్తోంది. కార్తీక్ దర్శకత్వంలో రజినీ ఇంతకు ముందు పేట సినిమా చేశారు. యాక్షన్ ఎంటర్ టైనర్‏గా తెరకెక్కిన ఈ సినిమా సూపర్ హిట్ సాధించింది. తాజాగా మరోసారి వీరిద్దరూ కలిసి పనిచేయనున్నట్లుగా తెలుస్తోంది. అయితే త్వరలోనే అన్నాత్తే షూటింగ్ తిరిగి ప్రారంభం కానున్నట్లు సమాచారం. వీలైనంత తొందరగా ఈ మూవీ షూటింగ్ కంప్లీట్ చేసి.. ఈ ఏడాది చివరిలో థియేటర్లలోకి తీసుకువచ్చేందుకు ప్లాన్ చేస్తున్నారు మేకర్స్. ఈ సినిమా తర్వాత రజినీ, కార్తీక్ కాంబోలో తెరకెక్కబోయే మూవీ సెట్స్ పైకి వెళ్ళనున్నట్లుగా తెలుస్తోంది. ఇదిలా ఉండగా.. కార్తీక్ సుబ్బరాజ్ ప్రస్తుతం టాలెంటెడ్ హీరో విక్రమ్, ఆయన కుమారుడు ధ్రువ్ విక్రమ్ కాంబినేషన్లో ఓ మల్టీస్టారర్ సినిమాను తెరకెక్కిస్తున్నాడు. ఈ మూవీ పూర్తైన తర్వాత రజనీతో సినిమా చేయనున్నాడు కార్తీక్.

Also Read: సూపర్ స్టార్ సరసన సాహో బ్యూటీ.? మహేష్- రాజమౌళి సినిమాపై వైరల్ వార్త.!