Bala Krishna: మెగా కాంపౌండ్‌లోకి తొలిసారి నట సింహం ఎంట్రీ..? అసలు విషయం ఏంటంటే..

Bala Krishna: ప్రస్తుతం సోషల్‌ మీడియాలో ఎక్కడ చూసినా.. బాలకృష్ణ వ్యాఖ్యాతగా వ్యవహరిస్తున్న ‘అన్‌స్టాబబుల్‌ విత్‌ ఎన్‌బీకే’ అనే టాక్‌షోకు సంబంధించే చర్చ జరుగుతోంది. తొలి తెలుగు ఓటీటీ ఆహా వేదికగా ప్రారంభంకాబోతున్న ఈ షోలో బాలయ్య మొదటి ఎపిసోడ్‌లో మంచు ఫ్యామిలీని ఇంటర్వ్యూ చేయనున్నారు. ఇందుకు సంబంధించిన ప్రోమో ఇప్పటికే సోషల్‌ మీడియాలో సందడి చేస్తుంది. తన చలాకీ తనంతో బాలయ్య బాబు వేసిన పంచ్‌లు ఆసక్తిని రేకెత్తిస్తున్నాయి. దీంతో ఈ షోపై ఇటు అభిమానులతో పాటు, అటు ఇండస్ట్రీలోనూ ఆసక్తినెలకొంది.

ఇదిలా ఉంటే ఈ షో ఇంకా ప్రారంభం కాకముందే మరో ఆసక్తికరమైన వార్త నెట్టింట సందడి చేస్తోంది. బాలకృష్ణ ఇంతవరకు మెగా ఫ్యామిలీకి సంబంధించి ఏ ప్రొడక్షన్‌ హౌజ్‌లోనూ నటించలేదు. ఈ లెక్కన చూస్తే ఆహా టాక్‌షోనే దీనికి బీజం వేసినట్లుగా చెప్పవచ్చు. ఆహా ఓటీటీకి అధినేతగా అల్లు అరవింద్‌ వ్యవహరిస్తున్న విషయం తెలిసిందే. దీంతో బాలకృష్ణ తొలిసారి మెగా కాంపౌండ్‌లో అడుగుపెట్టినట్లు అవుతోంది. ఇదిలా ఉంటే ఓ వైపు ఈ టాక్‌షో మొదటి ఎపిసోడ్ కూడా విడుదలవకముందే మరో ఆసక్తికరమైన వార్త నెట్టింట హంగామా చేస్తోంది.

తాజాగా వైరల్‌ అవుతోన్న వార్త ప్రకారం గీతా ఆర్ట్స్‌ బ్యానర్‌లో బాలకృష్ణ నటించనున్నట్లు తెలుస్తోంది. ఆహా టాక్‌షో ఒప్పందంలో సమయంలోనే బాలయ్య ఈ మేర అంగీకారం తెలిపినట్లు వార్తలు వస్తున్నాయి. మరి ఈ వార్తల్లో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే. ఇక బాలకృష్ణ అన్‌స్టాబబుల్‌ తొలి ఎపిసోడ్ దీపావళి కానుకగా నవంబర్‌ 4న ప్రసారం కానుంది.

Also Read: Telangana: 106 ఏళ్ల వయసులోనూ ఎంతో హుషారు.. పొలం పనులు.. ఈ బామ్మ ఫిట్‌నెస్ నెక్ట్స్ లెవల్

Yogi Adityanath: ఎయిర్‌ స్ట్రైక్‌‌కి సిద్ధంగా ఉండండి.. తాలిబన్లకు యూపీ సీఎం వార్నింగ్..

Yogi Adityanath: ఎయిర్‌ స్ట్రైక్‌‌కి సిద్ధంగా ఉండండి.. తాలిబన్లకు యూపీ సీఎం వార్నింగ్..