OTT Movies: ఓటీటీలోకి వచ్చిన పాన్ ఇండియా మూవీస్.. దాస్ కా ధమ్కీ, కబ్జా సినిమాలను ఎందులో చూడొచ్చంటే?

Ott Movies

ఎప్పటిలాగే ఈ వీకెండ్‌ కూడా ఓటీటీల్లోకి బోలెడు సినిమాలు అడుగుపెట్టాయి. అందులో ప్రధానంగా అందరి దృష్టిని ఆకర్షించిన మూవీస్‌ విశ్వక్‌ సేన్‌ నటించిన దాస్‌ కా ధమ్కీ, అలాగే కన్నడ సూపర్ స్టార్‌ ఉపేంద్ర నటించిన కబ్జా. ఈ రెండు పాన్‌ ఇండియా సినిమాలే. భారీ వ్యయంతో తెరకెక్కి థియేటర్లలో అడుగుపెట్టిన ఈ సినిమాల ఓటీటీ రిలీజ్‌ కోసం చాలామంది ఆసక్తిగా ఎదురుచూశాడు. ఇప్పుడీ నిరీక్షణకు తెరపడింది. ఈ రెండు మూవీస్‌ ఓటీటీల్లోకి అడుగుపెట్టాయి. యంగ్‌ హీరో విశ్వక్‌ సేన్‌ స్వీయ దర్శకత్వంలో తెరకెక్కిన ‘దాస్ కా ధమ్కీ’ మార్చి 22న థియేటర్లలో విడుదలైంది. విశ్వక్ డ్యూయల్ రోల్‌లో కనిపించిన ఈ చిత్రంలో నివేదా పేతురాజ్ కథానాయికగా నటించింది. మాస్‌ ఎంటర్‌టైనర్‌గా ప్రేక్షకులను ఆకట్టుకున్న ఈ చిత్రం ఇప్పుడు ప్రముఖ తెలుగు ఓటీటీ ప్లాట్‌ఫామ్‌ ఆహాలో స్ట్రీమింగ్‌ అవుతోంది.

ఇక కన్నడ సూపర్‌ స్టార్స్‌ ఉపేంద్ర, కిచ్చా సుదీప్‌, శివరాజ్‌కుమార్‌ వంటి భారీ తారగణంతో తెరకెక్కిన సినిమా కబ్జా. పీరియాడిక్‌ యాక్షన్‌ డ్రామాగా రూపొందిన ఈ సినిమాలో శ్రియా శరణ్‌ హీరోయిన్‌ గా నటించింది. ఆర్‌.చంద్రు దర్శకత్వం వహించారు. అయితే మొదటి నుంచి కేజీఎఫ్‌ సినిమాతో పోల్చడంతో కబ్జా అంచనాలను అందుకోలేకపోయింది. మార్చి 17న రిలీజైన ఈ చిత్రం పెద్దగా ఆకట్టుకోలేకపోయింది. అయితే కేజీఎఫ్‌ ఆలోచనలను పక్కన పెట్టి ఫ్రెష్ ఫీల్‌తో కబ్జాను చూస్తే బాగా ఎంజాయ్ చేయవచ్చని రివ్యూలు వచ్చాయి. ప్రస్తుతం ఈ సినిమా అమెజాన్‌ ప్రైమ్‌ వీడియోలో స్ట్రీమింగ్‌ అవుతోంది. మరి ఈ రెండు మాస్‌ అండ్‌ యాక్షన్‌ ఎంటర్‌టైనర్లను థియేటర్లలో మిస్‌ అయిన వారు ఎంచెక్కా ఓటీటీల్లో చూసి ఎంజాయ్‌ చేయండి.

మరిన్ని సినిమా వార్తల కోసం క్లిక్ చేయండి..