Sudigali Sudheer: సుడిగాలి సుధీర్ ‘గాలోడు’ సినిమా ఓటీటీ స్ట్రీమింగ్ డేట్ ఫిక్స్.. ఎప్పుడు.. ఎక్కడంటే..

Gaalodu Movie

జబర్ధస్త్ కమెడియన్‏గా కెరీర్ ఆరంభించి హీరోగా మారాడు సుడిగాలి సుధీర్. సాఫ్ట్ వేర్ సుధీర్ సినిమాతో వెండితెరపై సందడి చేసిన సుధీర్.. ఆ తర్వాత పలు చిత్రాల్లో నటించారు. అయితే ఆయన నటించిన సినిమాలన్ని అంతగా ఆకట్టుకోలేకపోయాయి. ఇక ఇటీవల విడుదలైన మాస్ యాక్షన్ ఎంటర్టైనర్ గాలోడు చిత్రం పాజిటివ్ టాక్ సొంతం చేసుకుంది. మొదటి సారి ఫుల్ మాస్ యాక్షన్ అవతారంలో కనిపించారు సుధీర్. ఈ సినిమాకు డైరెక్టర్ పులిచర్ల రాజశేఖర్ రెడ్డి దర్శకత్వం వహించగా.. ఇప్పటివరకు సుధీర్ కెరీర్‏తో భారీ రెస్పాన్స్ అందుకున్న చిత్రంగా నిలిచింది. ఈ సినిమా ఇప్పుడు ఓటీటీ స్ట్రీమింగ్ కు సిద్ధమయ్యింది.

తాజా సమాచారం ప్రకారం ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ ఆహా సొంతం చేసుకుంది. ఫిబ్రవరి 17న ఈ సినిమా స్ట్రీమింగ్ కానున్నట్లు ఆహా మేకర్స్ అనౌన్స్ చేశారు. అయితే థియేటర్లలో పాజిటివ్ టాక్ సొంతం చేసుకున్న ఈ సినిమా ఓటీటీలో ఎలా మెప్పిస్తోందో చూడాలి.

ఈ చిత్రంలో సుధీర్ సరసన గెహన సిప్పి కథానాయికగా నటించగా.. భీమ్స్ సంగీతం అందించాడు. మరోవైపు ఇటు సినిమాలతోపాటు.. అటూ యాంకర్ గానూ పలు షోలతో అలరిస్తున్నారు సుధీర్.

మరిన్ని సినిమా వార్తల కోసం ఇక్కడ క్లిక్ చేయండి.