Bagheera OTT: అప్పుడే ఓటీటీలోకి వచ్చేసిన కన్నడ యాక్షన్ థ్రిల్లర్ బఘీర.. తెలుగులోనూ స్ట్రీమింగ్.. ఎక్కడంటే?

Bagheera Movie

ఉగ్రం హీరో శ్రీమురళి నటించిన ‘బఘీర’ దీపావళి కానుకగా అక్టోబర్ 31న థియేటర్లలో విడుదలైంది. ఈ సినిమాకు కన్నడలో భారీ వసూళ్లు వచ్చాయి. అయితే తెలుగులో మాత్రం పెద్దగా ప్రభావం చూపలేకపోయింది. బరిలో క, లక్కీ భాస్కర్, అమరన్ వంటి సినిమాలు ఉండడం,అన్నిటికీ పాజిటివ్ టాక్ రావడంతో బఘీరా పెద్దగా ఆడలేకపోయింది. అయితే ఈ ఇప్పుడీ సినిమా ఓటీటీలోకి వచ్చింది. థియేటర్లలో రిలీజైన కేవలం 20 రోజుల్లోనే ఈ సినిమా ఓటీటీ రూట్‌లోకి రావడం గమనార్హం. డాక్టర్ సూరి దర్శకత్వంలో శ్రీ మురళి, రుక్మిణి వసంత్ తదితరులు నటించిన చిత్రం ‘బఘీరా’. ఈ చిత్రాన్ని హోంబలే ఫిల్మ్స్ భారీ బడ్జెట్ తో అత్యంత ప్రతిష్ఠాత్మకంగా నిర్మించింది. ఈ చిత్రాన్ ని నెట్‌ఫ్లిక్స్ కొనుగోలు చేయడం విశేషం. కన్నడతో పాటు తెలుగు, మలయాళం, తమిళ భాషల్లో కూడా ఈ సినిమా స్ట్రీమింగ్ అవుతోంది. దీనికి సంబంధించిన సమాచారాన్ని నెట్‌ఫ్లిక్స్ సోషల్ మీడియా వేదికగా వెల్లడించింది. సాధారణంగా, అమెజాన్ ప్రైమ్, జీ5 వంటి OTT ప్లాట్‌ఫారమ్‌లు కన్నడ సినిమాలు కొనుగోలు చేసేందుకు పోటీపడతాయి. అయితే, నెట్‌ఫ్లిక్స్ మొదటి నుండి దీనిపై ఆసక్తి చూపుతోంది. ఈ OTT ప్లాట్‌ఫారమ్‌లో కొన్ని కన్నడ సినిమాలు మాత్రమే ఉన్నాయి.

‘బగీరా’ చిత్రంలో శ్రీమురళి, రుక్మిణితో పాటు ప్రకాష్‌రాజ్, అచ్యుత్ కుమార్, రంగాయణ రఘు, గరుడ రామ్ నటించారు. అజనీష్ లోక్‌నాథ్ సంగీతం సమకూర్చారు. ఈ సినిమా బాక్సాఫీస్ వద్ద మంచి వసూళ్లు రాబట్టింది. ఈ చిత్రానికి కేజీఎఫ్ ,సలార్ సినిమాల డైరెక్టర్ ప్రశాంత్ నీల్ కథ అందించడం విశేషం. అక్టోబర్ 31న థియేటర్లలో ఈ పాన్ ఇండియా సినిమా రిలీజైంది. కానీ అంచనాలు అందుకోలేకపోయింది. కేజీఎఫ్, సలార్ సినిమాల్లాగానే యాక్షన్ కు పెద్ద పీట వేయడం, పెద్దగా కథ లేకపోవడంతో బఘీరా సినిమా తెలుగు ఆడియెన్స్ ను ఆకట్టుకోలేకపోయింది. కన్నడలో ఓ మోస్తరుగా వసూళ్లు వచ్చినా తెలుగులో ఈ సినిమాను పెద్దగా పట్టించుకోలేదు. అయితే యాక్షన్ సినిమాలను ఇష్టపడే వారు బఘీరాపై ఒక లుక్కేసుకోవచ్చు.

తెలుగులోనూ…

నెట్ ఫ్లిక్స్ లో స్ట్రీమింగ్..

బఘీరా తెలుగు ట్రైలర్..

మరిన్ని సినిమా వార్తల కోసం ఇక్కడ క్లిక్ చేయండి