OTT Movie: ఓటీటీలో మాధవన్ లేటెస్ట్ మూవీ.. నిజ జీవిత సంఘటనలతో తెరకెక్కిన సినిమా.. తెలుగులోనూ స్ట్రీమింగ్
మాధవన్ నటించిన ఈ బయోపిక్ మూవీ ఆగస్ట్ 7న థియేటర్లలో విడుదలైంది. మరీ సూపర్ హిట్ రేంజ్ కాకపోయినా కంటెంట్ పరంగా మంచి రెస్పాన్స్ తెచ్చుకుంది. అలాగే విమర్శకుల ప్రశంశసలు కూడా అందుకుంది. ఐఎమ్ డీబీలో ఈ సినిమాకు టాప్ రేటింగ్ ఉండడం విశేషం.
Updated on: Sep 02, 2026 | 6:46 AM
చాక్లెట్ బాయ్ ఆర్. మాధవన్ హీరోగా నటించిన లేటెస్ట్ సినిమా ‘జీడీఎన్’ (GDN). భారతీయ ప్రసిద్ధ శాస్త్రవేత్త, పారిశ్రామికవేత్త, ‘ఎడిసన్ ఆఫ్ ఇండియా’గా పేరుగాంచిన జి.డి. నాయుడు జీవిత కథ ఆధారంగా ఈ సినిమాను తెరకెక్కించారు. కృష్ణకుమార్ రామకుమార్ రూపొందించిన ఈ బయోపిక్ లో టైటిల్ రోల్ లో మాధవన్ అద్భుతంగా నటించారు. ఆగస్టు 7 థియేటర్లలో విడుదలైన ఈ బయోపిక్ సినిమా కంటెంటప్ పరంగా విమర్శకుల నుంచి మంచి ప్రశంసలు అందుకుంది. అయితే కమర్షియల్ గా బాక్సాఫీస్ వద్ద అనుకున్నంత రేంజ్ కలెక్షన్లు సాధించలేకపోయింది. ఇప్పుడీ సినిమా ఓటీటీలోకి వస్తోంది. జీడీఎన్ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. తాజాగా ఈ రియల్ స్టోరీ ఓటీటీ స్ట్రీమింగ్ పై అధికారిక ప్రకటన వెలువడింది. ఆగస్టు 04 నుంచి జీడీఎన్ సినిమా ఓటీటీలోకి రానుంది. తెలుగుతో పాటు తమిళం, హిందీ, కన్నడ, మలయాళ భాషల్లోనూ ఈ సినిమా స్ట్రీమింగ్ కు అందుబాటులోకి రానుంది.
వర్గీస్ మూలన్ పిక్చర్స్, ట్రైకలర్ ఫిల్మ్స్ బ్యానర్లపై ఎంతో ప్రతిష్టాత్మకంగా జీడీఎన్ సినిమాను నిర్మించారు. మాధవన్ తో పాటు ప్రియమణి, దుషారా విజయన్లతో పాటు సీనియర్ యాక్టర్లు సత్యరాజ్, జయరామ్, వినయ్ రాయ్, అదితి బాలన్, కరుణాకరన్ తదితరులు ఈ మూవీలో కీలక పాత్రలు పోషించారు. ’96’ సినిమాతో మ్యూజిక్ మ్యాజిక్ చేసిన గోవింద్ వసంత ఈ చిత్రానికి అద్భుతమైన సంగీతం, బీజీఎమ్ అందించారు. ఈ సినిమా స్టోరీ విషయానికి వస్తే.. పీరియాడికల్ బయోపిక్ డ్రామా గా జీడీఎన్ తెరకెక్కింది. బ్రిటీష్ కాలంలో దక్షిణ భారతదేశానికి చెందిన జీడీ నాయుడు స్వయంకృషితో ఎదిగిన తీరు, ఆయన చేసిన యాంత్రిక ఆవిష్కరణలు, ఎదుర్కొన్న సవాళ్లను ఈ చిత్రంలో కళ్లకు కట్టినట్లు చూపించారు. మాధవన్ యాక్టింగ్ కోసమైనా ఈ మూవీపై ఒక లుక్కేసుకోవచ్చు. ఇక ఈ మధ్యన థియేటర్లలో పెద్దగా ఆడని సినిమాలు కూడా ఓటీటీలో భారీ వ్యూస్ తెచ్చుకుంటున్నాయి. కాబట్టి మాధవన్ జీడీఎన్ సినిమాకు కూడా మంచి రెస్పాన్స్ వచ్చే అవకాశముంది.
నెట్ ఫ్లిక్స్ లో మాధవన్ జీడీఎన్ సినిమా..
Tamil film #GDN (2026) by #KrishnakumarRamakumar, premieres Sept 4th on @NetflixIndia.@ActorMadhavan #Sathyaraj #Jayaram #Priyamani @officialdushara @AditiBalan @VinayRai1809 #VargheseMoolansPictures pic.twitter.com/KHC2Amk6dM
— CinemaRare (@CinemaRareIN) September 1, 2026
మాధవన్ జీడీఎన్ సినిమా ట్రైలర్..
మరిన్ని సినిమా వార్తల కోసం ఇక్కడ క్లిక్ చేయండి.
