OTT Movie: 7 కోట్లతో తీస్తే 3,200 కోట్ల కలెక్షన్లు.. ఓటీటీలోకి బ్లాక్ బస్టర్ హారర్ థ్రిల్లర్! పెద్దలకు మాత్రమే

కొన్ని రోజుల క్రితమే థియేటర్లలో విడుదలైన ఈ సినిమా బ్లాక్ బస్టర్ గా నిలిచింది. కేవలం రూ. 7 కోట్లతో తెరకెక్కిన ఈ సినిమా ఏకంగా రూ.3200 కోట్లకు పైగా వసూళ్లను సాధించింది. ఇండియాలోనూ దాదాపు రూ. 100 కోట్లను సాధించినట్లు ట్రేడ్ నిపుణులు చెబుతున్నారు.

OTT Movie

Basha Shek |
Updated on: Jun 28, 2026 | 4:32 PM

చాలా తక్కువ బడ్జెట్‌తో నిర్మించిన ఒక సైకలాజికల్ హారర్ థ్రిల్లర్ చిత్రం ప్రస్తుతం ప్రపంచవ్యాప్తంగా చర్చనీయాంశంగా మారింది. ముఖ్యంగా, ఈ చిత్రాన్ని 26 ఏళ్ల యూట్యూబర్ రూపొందించారు. ఈ సినిమా పేరు ‘అబ్సెషన్’. ఈ చిత్రానికి IMDbలో పదికి 8.2 బలమైన రేటింగ్ లభించింది. కారీ బార్కర్ దర్శకత్వం వహించిన ఈ చిత్రం బాక్సాఫీస్‌ వద్ద అనేక రికార్డులను బద్దలు కొట్టింది. ఇప్పుడు ప్రేక్షకులు ఈ హారర్ సినిమా ఓటీటీ విడుదల కోసం ఆసక్తిగా ఎదురుచూస్తున్నారు. కాగా భారతదేశంలో సెన్సార్ బోర్డు ఈ చిత్రంలోని ముఖ్యమైన సన్నివేశాలను కత్తిరించినప్పుడు కొంతమంది ప్రేక్షకులు నిరాశ చెందారు. అయితే ఇప్పుడు ఆ సన్నివేశాలను ఓటీటీలో చూసే అవకాశం కలిగింది. ‘మూవీ వెబ్’ నివేదిక ప్రకారం, ‘అబ్సెషన్’ చిత్రం జూన్ 30న డిజిటల్‌లో అద్దెకు అందుబాటులోకి రానుంది. అయితే మొదట ఈ సినిమా రెంటల్ బేసిస్ లో మాత్రమే అందుబాటులోకి రానుంది. అంటే ఈ సినిమాను చూడాలంటే ప్రేక్షకులు కొంత రుసుము చెల్లించాల్సి ఉంటుంది. అయితే, జూన్ 30న ఈ చిత్రం ఏ సమయంలో స్ట్రీమింగ్ అవుతుందో ఇంకా వెల్లడించలేదు. కాగా అబ్సెసన్ సినిమాను ‘పీకాక్’ ఓటీటీ ప్లాట్‌ఫామ్‌లో నూ చూడవచ్చు. ఈ చిత్రం ప్రస్తుతానికి ఓటీటీ ప్లాట్‌ఫామ్ సబ్‌స్క్రిప్షన్‌తో ప్రసారం కాదు. అందువల్ల, అభిమానులు కొంత రుసుము చెల్లించి మాత్రమే దీన్ని ఆన్‌లైన్‌లో చూడగలరు. ఈ చిత్రం సబ్‌స్క్రిప్షన్ విడుదల తేదీ ఇంకా వెల్లడి కాలేదు.

‘శాక్నిల్క్’ ఇచ్చిన నివేదిక ప్రకారం, మే 15న విడుదలైన ఈ చిత్రం ప్రపంచవ్యాప్తంగా ఏకంగా రూ. 3200 కోట్లు వసూలు చేసింది. ఇక భారతదేశంలో ఈ చిత్రం వసూళ్లు రూ. 93.60 కోట్లకు పైనే అని తెలుస్తోంది. ఇండియాలో మొదటి రోజు ఈ సినిమా వసూళ్లు కేవలం రూ. 1.75 కోట్లు కానీ ఆ తర్వాత మౌత్ టాక్ తో సినిమా వసూళ్లు భారీగా పెరిగిపోయాయి. అలా మొదటి వారంలో రూ. 18.55 కోట్లు సంపాదించింది. రెండవ వారంలో వసూళ్లు నేరుగా రూ. 31.25 కోట్లకు చేరుకున్నాయి.

అబ్సెసన్ సినిమాలో మైఖేల్ జాన్‌స్టన్, ఇంటె నవరెట్టె ప్రధాన పాత్రలు పోషించారు. ఈ హారర్ థ్రిల్లర్ చిత్రం మొదట జూన్ 2న ఓటీటీలో విడుదల కావాల్సి ఉంది. అయితే, థియేటర్లలో సినిమాకు వచ్చిన స్పందనను చూసి నిర్మాతలు ఓటీటీ విడుదలను వాయిదా వేశారు. ఈ చిత్రం ‘పీకాక్’ ప్లాట్‌ఫామ్ తర్వాత నెట్‌ఫ్లిక్స్‌లోనూ విడుదల కానున్నట్లు కూడా తెలిసింది.

ఇవి కూడా చదవండి