Pushpa: అమెజాన్ ప్రైమ్ వ‌ర్సెస్ నెట్‌ఫ్లిక్స్‌.. ఫ‌న్నీ చ‌ర్చ‌కు దారి తీసిన పుష్ప రాజ్‌..

Pushpa: క‌రోనా పుణ్యామో.. మారుతోన్న టెక్నాల‌జీ కార‌మో.. కానీ ఓటీటీ రంగానికి భారీగా డిమాండ్ పెరిగింది. నేరుగా ఓటీటీల్లోనే విడుద‌ల‌వుతోన్న సినిమాలు కొన్నిఅయితే..

Pushpa

Narender Vaitla | Edited By: Anil kumar poka

Updated on: Jan 10, 2022 | 8:23 AM

Pushpa: క‌రోనా పుణ్యామో.. మారుతోన్న టెక్నాల‌జీ కార‌మో.. కానీ ఓటీటీ రంగానికి భారీగా డిమాండ్ పెరిగింది. నేరుగా ఓటీటీల్లోనే విడుద‌ల‌వుతోన్న సినిమాలు కొన్నిఅయితే.. థియేట‌ర్‌ల‌లో వచ్చిన నెల రోజుల్లోనే డిజిట‌ల్ ఫ్లాట్ ఫామ్స్‌పై సంద‌డి చేస్తున్న సినిమాలు మ‌రికొన్ని. ఇక ఓటీటీలో స్ట్రీమ్ అవుతున్న చిత్రాలు కూడా ప్రస్తుతం టాక్ ఆఫ్ ది ఇండ‌స్ట్రీగా మారుతున్నాయి. తాజాగా అలా ట్రెండ్ అవుతోన్న సినిమానే అల్లు అర్జున్ హీరోగా తెర‌కెక్కిన పుష్ప‌. అమెజాన్ వేదిక‌గా స్ట్రీమింగ్ అవుతోన్న ఈ సినిమా డిజిట‌ల్‌లో కూడా తగ్గేదేలే అన్న‌ట్లు దూసుకుపోతోంది.

ఇదిలా ఉంటే తాజాగా పుష్ప సినిమా అమేజాన్ ప్రైమ్‌, నెట్‌ఫ్లిక్స్‌ల మ‌ధ్య ఆస‌క్తిక‌ర చ‌ర్చ‌కు కార‌ణంగా మారింది. ఇంత‌కీ విష‌య‌మేంటంటే.. ఇటీవ‌ల నెట్‌ఫ్లిక్స్ ట్విట్ట‌ర్ హాండిల్‌లో ‘ఈ వారాంతంలో చూడటానికి మీ వాచ్‌లిస్ట్‌లో ఏం ఉన్నాయి’ అని ట్వీట్ చేశారు. దీనికి అమేజాన్ రిప్లై ఇస్తూ.. ‘అందరూ పుష్ప: ది రైజ్ చూస్తున్నారు’ అని ట్వీట్ చేశారు.

అయితే దీనికి నెట్‌ఫ్లిక్స్ ఫ‌న్నీగా రిప్లై ఇస్తూ.. ‘ఆ అంద‌రూ అంటే..మేమేనా.? ఊ అనం.. కానీ ఊ ఊ కూడా అనం..’ అని ట్వీట్ చేశారు. దీంతో ప్ర‌స్తుతం ఈ ట్వీట్‌లు నెట్టంట వైర‌ల్‌గా మారాయి. ఇలా రెండు బ‌డా ఓటీటీ సంస్థ‌లు పోటీప‌డీ ట్వీట్స్ చేసుకోవ‌డం అంద‌రి దృష్టిని ఆక‌ర్షిస్తున్నాయి. ఇదిలా ఉంటే సుకుమార్ ద‌ర్శ‌క‌త్వంలో అల్లు అర్జున్ హీరోగా తెర‌కెక్కిన పుష్ప చిత్రం మంచి విజ‌యాన్నిసొంతం చేసుకుంది. పాన్ ఇండియా రేంజ్‌లో విడుద‌లైన ఈ సినిమా అన్ని భాషల్లో భారీ విజ‌యాన్ని అందుకొని ఏకంగా రూ. 300 కోట్లకుపైగా వసూళ్లు ద‌క్కించుకుంది. ఇక ఈ సినిమాకు కేవ‌లం ప్రేక్ష‌కుల‌ను నుంచే కాకుండా సినిమా సెల‌బ్రిటీల నుంచి కూడా ప్ర‌శంస‌ల వ‌ర్షం కురుస్తోంది.