Unstoppable With NBK: పుష్పరాజ్‏గా మారిన బాలయ్య.. అల్లు అర్జున్ ముందు తొడకొట్టి తగ్గేదే లే అంటూ రచ్చ..

ప్రస్తుతం పుష్ప మేనియా కొనసాగుతుంది. ఐకాన్ స్టార్ అల్లు అర్జున్ ఊర మాస్ లుక్‏లో పుష్ప రాజ్ పాత్రలో అదరగొట్టాడంటూ ప్రేక్షకులే కాదు.. సినీ విశ్లేషకులు సైతం ప్రశంసలు కురిపిస్తున్నారు. ఎర్ర చందనం స్మగ్లింగ్ నేపథ్యంలో క్రియేటివ్ డైరెక్టర్ సుకుమార్ తెరకెక్కించిన విధానానికి ప్రజలు ఫిదా అయ్యారు. పాన్ ఇండియా లెవల్లో విడుదలైన ఈ సినిమా 200 వందల క్లబ్‏ను క్రాస్ చేసింది. ఈ సినిమాలో పుష్పరాజ్ చెప్పిన తగ్గేదే లే డైలాగ్ ఎంతగా ఫేమస్ అయ్యిందో తెలిసిందే. సోషల్ మీడియాలో తగ్గేదే లే డైలాగ్ ట్రెండ్ అవుతుంది. ఇక ఇదే మాస్ డైలాగ్‏ను నందమూరి నటసింహం బాలకృష్ణ చెబితే ఎలా ఉంటుంది ?.. వీరలెవల్ కదా..

అచ్చం పుష్పరాజ్‏ను ఇమిటేట్ చేస్తూ తొడకొట్టి మరీ తగ్గేదే లే డైలాగ్‏తో అదుర్స్ అనిపించారు బాలయ్య. ప్రముఖ ఓటీటీ సంస్థ ఆహాలో స్ట్రీమింగ్ అవుతున్న అన్‏స్టాపబుల్ విత్ ఎన్బీకే టాక్ షో ద్వారా ప్రేక్షకులకు అలరిస్తున్న సంగతి తెలిసిందే. ఇప్పటివరకు రవితేజ, బోయపాటి శ్రీను, మంచు మోహన్ బాబు, బ్రహ్మానందం, రాజమౌళి వంటి వారిని తనదైన స్టైల్లో ఇంటర్వ్యూలు చేసిన ఆకట్టుకున్నాడు బాలకృష్ణ. ఇక తాజాగా ఈ షోకు ఐకాన్ స్టార్ అల్లు అర్జున్, డైరెక్టర్ సుకుమార్, రష్మిక మందన్నా విచ్చేశారు. వీరి ఎపిసోడ్‏కు సంబంధించిన ప్రోమోను విడుదల చేశారు మేకర్స్.

అందులో బన్నీ, బాలయ్య ఇద్దరూ పుష్పరాజ్ పాత్రలో పరకాయ ప్రవేశం చేశారు. పుష్ప అంటే ఫ్లవర్ అనుకుంటివా.. ఫైర్.. తగ్గేదే లే.. అంటూ తమదైన డైలాగ్ ఇరగదీశారు. ఈ ప్రోమో ఇప్పుడు సోషల్ మీడియాలో రచ్చ చేస్తుంది. ఇందుకు సంబంధించిన ఎపిసోడ్ త్వరలోనే స్ట్రీమింగ్ కానుంది.

Also Read: RRR Song: ఆ పాటను కాపీ చేశారా ? ఆర్ఆర్ఆర్ కొమురం భీముడో సాంగ్ పై నెటిజన్స్ అసహనం..

ప్రభాస్ ‘రాధే శ్యామ్’ సరికొత్త రికార్డ్‌.. 24 గంటల్లో అత్యధికంగా వీక్షించిన ట్రైలర్‌గా గుర్తింపు

Bangarraju Movie: షూటింగ్ పూర్తి చేసిన బంగార్రాజు.. త్వరలోనే ప్రమోషన్స్ పై దృష్టి పెట్టనున్న టీమ్..