‘ఆదిపురుష్’ తర్వాత ఆ యంగ్ హీరోతో సినిమా చేయనున్న ఓంరౌత్.. సన్నాహాలు చేస్తున్న డైరెక్టర్..
పాన్ ఇండియా స్టార్ ప్రభాస్తో..బాలీవుడ్ డైరెక్టర్ ఓంరౌత్ తెరకెక్కిస్తున్న సినిమా 'ఆదిపురుష్'. ఇటీవలే ఈ మూవీ షూటింగ్ ప్రారంభమైంది.
పాన్ ఇండియా స్టార్ ప్రభాస్తో..బాలీవుడ్ డైరెక్టర్ ఓంరౌత్ తెరకెక్కిస్తున్న సినిమా ‘ఆదిపురుష్’. ఇటీవలే ఈ మూవీ షూటింగ్ ప్రారంభమైంది. 3డీ టెక్నాలజీతో ఈ సినిమాను భారీ బడ్జెట్తో రూపొందిస్తున్నాడు ఓంరౌత్. రామాయణ గాథ నేపథ్యంలో తెరకెక్కనుండగా.. ఇందులో ప్రభాస్ రాముడిగా కనిపించనున్నాడు. బాలీవుడ్ స్టార్ హీరో సైఫ్ అలీఖాన్ ఈ సినిమాలో రావణుడిగా నటించనున్నాడు. ఇదిలా ఉండగా.. ప్రభాస్ ప్రస్తుతం కేజీఎఫ్ డైరెక్టర్ తెరకెక్కిస్తున్న ‘సలార్’ సినిమా చిత్రీకరణలో పాల్గొంటున్నాడు. పెద్దపల్లిలోని రామగుండం ప్రాంతంలో సలార్ మూవీ షూటింగ్ జరుగుతోంది.
తాజా సమాచారం ప్రకారం ఆదిపురుష్ సినిమా తర్వాత దర్శకుడు ఓంరౌత్ మరో యంగ్ హీరోతో సినిమా చేయనున్నట్లుగా టాక్. బాలీవుడ్ యంగ్ హీరో కార్తీక్ ఆర్యన్తో కలిసి ఓ యాక్షన్ చిత్రాన్ని చేయనున్నాడట. ఇందుకు సంబంధించిన ప్రకటనను ఓంరౌత్ గతేడాదే రివీల్ చేసాడట. ఈ సినిమా షూటింగ్ మొత్తం విదేశాల్లో చేయాల్సి ఉండగ.. కరోనా కారణాంగా ఈ మూవీ వాయిదా పడింది. దీంతో లాక్ డౌన్ సమయంలో ఓంరౌత్ పూర్తిగా ఆదిపురుష్ స్టోరీపైనే దృష్టిసారించాడట. ఆ తర్వాత ప్రభాస్కు ఆ స్టోరీ చేప్పడం.. వెంటనే ప్రభాస్ గ్రీన్ సిగ్నల్ ఇవ్వడం త్వరత్వరగా జరిగిపోయాయట. ప్రస్తుతం ఈ సినిమా చిత్రీకరణంలో ఓంరౌత్ బిజీగా ఉన్నాడు. ఈ మూవీ తర్వాత ఓంరౌత్, కార్తీక్ ఆర్యన్ సినిమా సెట్స్ పైకి వెళ్ళనున్నట్లుగా తెలుస్తోంది.
