నేను ప్రేమలో పడేందుకు రెడీ..! ఏ వయసైతేనేం..?

టాలీవుడ్‌లో నటిగా తనకంటూ ఓ ప్రత్యేక గుర్తింపును సంపాదించుకుంది హీరోయిన్ రకుల్ ప్రీత్ సింగ్. ప్రస్తుతం.. ఆమె బాలీవుడ్‌లో అజయ్ దేవగణ్ సరసన దేదే ప్యార్ దే అనే సినిమాలో హీరోయిన్‌గా నటించారు. అకీవ్ అలీ ఈ సినిమాకు దర్శకత్వం వహించారు. మే 17న ఈ సినిమా ప్రేక్షకుల ముందుకు రానుంది. ఇందులో 26 ఏళ్ల రకుల్‌ 50 ఏళ్ల అజయ్‌ ప్రేయసిగా నటించారు. ఆయన మాజీ భార్య పాత్రను టబు పోషించారు. ఈ సందర్భంగా.. ఓ ఇంగ్లీష్ వెబ్ సైట్‌ రకుల్‌ను ఇంటర్వ్యూ చేయగా.. నిజ జీవితంలో మీ కన్నా వయసు బాగా ఎక్కువ ఉన్న వ్యక్తిని ప్రేమిస్తారా? అని ప్రశ్నించారు. దానికి సమాధానంగా రకుల్.. నిజ జీవితంలో నేనూ ప్రేమలో పడేందుకు రెడీగా ఉన్నా.. ఏ వయసు వాడైతే ఏంటి..? ఆ వ్యక్తి వృద్ధుడా..? యువకుడా..? అనేది అనవసరమంటూ సమాధానమిచ్చింది.