‘మా’లోని సమస్యలు మనమే పరిష్కరించుకుందాం..!

నటుడు నాగబాబుపై శివాజీ రాజా చేసిన వ్యాఖ్యల్ని ఖండిస్తున్నానని ‘మా’ అధ్యక్షుడు నరేష్‌ పేర్కొన్నారు. నాగబాబు నడకపై అనుచిత వ్యాఖ్యలు చేశారు శివాజీ రాజా. దీంతో మా అధ్యక్షుడు నరేష్, జనరల్ సెక్రటరీ జీవితా రాజశేఖర్ రంగంలోకి దిగారు. మూవీ ఆర్టిస్ట్ అసోసియేషన్ తరపున కాకుండా నటులుగా ఈ వివాదంపై స్పందిస్తున్నట్లు తెలిపారు. మా అనేది ఓ కుటుంబం లాంటిదన్నారు.

నాగబాబు శివాజీ రాజా చేసిన కామెంట్స్ ఎంతో బాధించాయని అన్నారు నరేష్, జీవితా రాజశేఖర్. ఒకరి గురించి మరొకరు గతాలు తవ్వుకుని.. ఎందుకు శత్రుత్వాన్ని పెంచుకోవడం.. ఇది సరైన పద్దతి కాదు. ‘మా’లోని సమస్యలను మనమే పరిష్కరించుకుందాం. అనవసరంగా ఎందుకు మీడియా ముందుకు వచ్చి రచ్చ చేసుకోవడమేంటని అన్నారు. నాగబాబు ప్రెసిడెంట్‌గా ఉన్నప్పుడు ఎన్నో మంచి కార్యక్రమాలు చేశారని.. రాజేంద్రప్రసాద్, శివాజీ రాజా గెలవడానికి ఆయన ఎంతో శ్రమించారని గుర్తు చేశారు.