Cinema News: సంక్రాతి తర్వాత ప్రభాస్ సినిమా అప్డెడ్.. క్లారిటీ ఇచ్చేసిన క్రేజీ డైరెక్టర్..

మహానటి సినిమా మంచి విజయం సాధించడంతో జాతీయ స్థాయిలో గుర్తింపు తెచ్చుకున్నాడు డైరెక్టర్ నాగ్ అశ్విన్. ఆ తర్వాత పాన్ ఇండియా స్టార్ ప్రభాస్‏తో ఓ సినిమా తీయబోతున్నట్లుగా ప్రకటించిన విషయం తెలిసిందే. వైజయంతీ మూవీస్ బ్యానర్ పై అశ్వినీ దత్ భారీ బడ్డెట్‏తో ఈ సినిమా తెరకెక్కించబోతున్నట్లుగా ప్రకటించారు. అంతే కాకుండా ప్రభాస్ తన కెరీర్‏లో 21వ చిత్రంగా ఈ సినిమా రాబోతుందని.. అందులో బాలీవుడ్ స్టార్ హీరోయిన్ దీపికా పదుకొనే నటించనున్నట్లుగా తెలిపారు. అంతేకాకుండా ఈ సినిమాలో బాలీవుడ్ బిగ్ బి కీలక పాత్రలో నటించనున్నారని తెలిపారు. ప్రస్తుతం ప్రభాస్ నటిస్తున్న రాధే శ్యామ్ సినిమా షూటింగ్ పూర్తైన వెంటనే నాగ్ అశ్విన్‏తో సినిమా ప్రారంభం అవుతుందని అనుకున్నారు. అయితే ఇప్పటి వరకు వీరిద్దరికి సంబంధించిన ప్రాజెక్ట్ గురించి అనేక అనుమానాలు వెలువడ్డాయి.

తాజాగా ఈ సినిమాకు సంబంధించిన విషయం నాగ్ అశ్విన్ క్లారిటీ ఇచ్చాడు. ప్రభాస్ సినిమా నుంచి న్యూ ఇయర్ లేదా సంక్రాతికి ఏదైనా అప్డేడ్ ఉందా? అని ఓ నెటిజన్ అడిగిన ప్రశ్నకు నాగ్ అశ్విన్ రిప్లై ఇచ్చాడు. సంక్రాంతి తర్వాత మన సినిమా అప్డేట్ ఉంటుందని.. వర్క్ ఫుల్ ఫ్లోలో నడుస్తోందని నాగ్ అశ్విన్ చెప్పాడు. దీంతో నాగ్ అశ్విన్- ప్రభాస్ ప్రాజెక్ట్ పై ఓ క్లారిటీ వచ్చినట్లైంది. ప్రస్తుతం ప్రభాస్ రాధేశ్యామ్ సినిమాలో నటిస్తున్నాడు. ఆ తర్వాత ఆదిపురుష్ చిత్రాన్ని ఆగస్ట్ 11న రిలీజ్ చేయనున్నట్లుగా తెలిపారు. వీటితోపాటు కేజీఎఫ్ డైరెక్టర్ ప్రశాంత్ నీల్‏తో సలార్ సినిమా అనౌన్స్ చేసిన విషయం తెలిసిందే.