సెన్సార్ పూర్తి చేసుకున్న దళపతి విజయ్ సినిమా.. యుఏ సర్టిఫికెట్ సొంతంచేసుకున్న మాస్టర్
స్టార్ హీరో ఇళయదళపతి విజయ్ నటిస్తున్న మాస్టర్ సినిమా కోసం అభిమానులంతా ఎంతో ఆసక్తిగా ఎదురుచూస్తున్నారు.
Updated on: Dec 24, 2020 | 9:23 PM
స్టార్ హీరో ఇళయదళపతి విజయ్ నటిస్తున్న మాస్టర్ సినిమా కోసం అభిమానులంతా ఎంతో ఆసక్తిగా ఎదురుచూస్తున్నారు. ఈ సినిమా ఎప్పుడో విడుదల అవ్వాల్సింది కానీ కరోనా కారణంగా వాయిదా పడుతూ వస్తుంది. లోకేష్ కానగరాజ్ దర్శకత్వంలో వస్తున్న ఈ సినిమాలో విజయ్ సేతుపతి నెగిటివ్ షేడ్స్ ఉన్న పాత్రలో నటిస్తున్నాడు. ఇటీవల ఈ సినిమా టీజర్ ను విడుదల చేశారు చిత్రయూనిట్. ఈ టీజర్ ప్రేక్షకులను విపరీతంగా ఆకట్టుకుంది. అనిరుధ్ రవిచందర్ ఈ చిత్రానికి సంగీతం సమకూర్చారు. ఈ చిత్రంలో మాళవిక మోహనన్ హీరోయిన్ గా నటిస్తుంది. అదేవిధంగా ఆండ్రియా జెరోమియా- శాంతను భాగ్యరాజ్ కీలక పాత్రలు కనిపించనున్నారు. సంక్రాంతి బరిలో బాక్సాఫీస్ వార్ కి మాస్టర్ సినిమా తెరలేపనుందన్న ప్రచారం మొదలైంది. తాజాగా మాస్టర్ మూవీ సెన్సార్ ను కంప్లీట్ చేసుకుంది. సెన్సార్ బోర్డ్ ఈ చిత్రానికి యుఏ సర్టిఫికెట్ ఇచ్చిందని నిర్మాతలు స్వయంగా ట్విట్టర్ లో ప్రకటించారు. త్వరలోనే సినిమా విడుదల తేదీని కూడా వెల్లడించే అవకాశం ఉంది. తాజాగా యుఏ మార్క్ తో `మాస్టర్` పోస్టర్ ను సోషల్ మీడియాలో షేర్ చేస్తూ నిర్మాణ సంస్థ XB ఫిల్మ్ క్రియేటర్స్ త్వరలో కలుద్దాం అంటూ ట్వీట్ చేశారు.
