Megastar Chiranjeevi : వరుస సినిమాలతో బిజీగా ఉన్న మెగాస్టార్.. ‘క్రాక్’ దర్శకుడికి కూడా ఛాన్స్ ఇచ్చాడా..?

Megastar Chiranjeevi : ఎప్పటినుంచో సాలిడ్ హిట్ కోసం ఎదురుచూస్తున్న మాస్ రాజా రవితేజకు మర్చిపోలేని హిట్ ఇచ్చాడు దర్శకుడు గోపీచంద్ మలినేని. లాక్ డౌన్ తర్వాత విడుదలైన క్రాక్ సినిమా మంచి కలెక్షన్ లతో బాక్సాఫీస్ దగ్గర సూపర్ హిట్ గా నిలిచింది. లాక్ డౌన్ తర్వాత మొదటి సూపర్ హిట్ సినిమాగా రవితేజ క్రాక్ నిలిచింది. ఈ సినిమా పవర్ ఫుల్ పోలీస్ ఆఫీసర్ గా కనిపించాడు రవితేజ. శ్రుతిహాసన్ హీరోయిన్ గా నటించింది. ఇదిలా ఉంటే ఇప్పుడు ఈ దర్శకుడి కోసం హీరోలు క్యూ కడుతున్నారని తెలుస్తుంది.

‘క్రాక్’ సినిమా తర్వాత తన నెక్స్ట్ సినిమా ఎవరితో అనేది ఇంతవరకు అనౌన్స్ చేయలేదు గోపీచంద్ మలినేని. కాగా గోపీచంద్ నెక్స్ట్ సినిమా పై ఇప్పుడు ఫిలిం నగర్ లో ఓ వార్త చక్కర్లు కొడుతుంది. త్వరలో గోపీచంద్ ఓ మెగా హీరోతో సినిమా చేయబోతున్నాడని గుసగుసలు వినిపిస్తున్నాయి. ఇప్పటికే మెగా కాంపౌండ్ నుంచి గోపికి కాల్ వచ్చిందట. క్రాక్ సినిమా సూపర్ హిట్ అవ్వడంతో మెగాస్టార్ చిరంజీవి గోపీచంద్ ను ఇంటికి పిలిచి మరి ప్రసంశించిన విషయం తెలిసిందే. దాంతో గోపీచంద్ మలినేని మెగాస్టార్ ఛాన్స్ ఇచ్చే అవకాశం ఉందన్న వార్తలు ఊపందుకున్నాయి. ప్రస్తుతం ఆచార్య సినిమా షూటింగ్ తో బిజీగా ఉన్న చిరు. ఆతర్వాత వరుసగా సినిమాలను పట్టాలెక్కించనున్నారు. ఈ క్రమంలోనే గోపీచంద్ తోను ఓ సినిమా ప్లాన్ చేస్తున్నారని టాక్ నడుస్తుంది. మరి ఈ వార్తల్లో వాస్తవమెంత అన్నది తెలియాల్సి ఉంది.

మరిన్ని ఇక్కడ చదవండి: 

బంపర్ ఆఫర్ కొట్టేసిన వరుణ్ తేజ్ హీరోయిన్.. సల్మాన్‏తో జోడి కట్టనున్న అందాల భామ..

‘Live Telecast’ Trailer: మీరెప్పుడైనా లైవ్‌లో దెయ్యాన్ని చూశారా! లేదంటే మేము చూపిస్తామంటున్న ‘లైవ్‌ టెలికాస్ట్‌’ టీం..