Kajal Aggarwal: కాజల్‌ను నిద్రకు దూరం చేసిన ఆ సంఘటన ఏంటో తెలుసా..? ఆసక్తికర విషయాలను వెల్లడించిన చందమామ..

Kajal Aggarwal Live Telecast: ‘లక్ష్మీ కళ్యాణం’ చిత్రంతో తెలుగు ప్రేక్షకులకు పరిచయమైంది అందాల తార కాజల్‌ అగర్వాల్‌. తొలిసినిమాలోనే తన నటనతో ఆకట్టుకున్న ఈ చిన్నది. రెండో చిత్రం ‘చందమామ’లో తన అందంతో యూత్‌ను మెస్మరైజ్‌ చేసింది. ఈ సినిమాతోనే కాజల్‌ ‘టాలీవుడ్‌ చందమామ’గా పేరు తెచ్చుకుంది.

ఇక అనంతరం పలు విజయవంతమైన చిత్రాల్లో నటించిన ఈ చిన్నది మంచి పేరు సంపాదించుకుంది. కేవలం టాలీవుడ్‌కే పరిమితం కాకుండా ఇతర భాషల్లోనూ తన సత్తా చాటింది. దాదాపు అందరు అగ్ర హీరోల సరసన ఆడిపాడిన ఈ బ్యూటీ.. ఇటీవల వివాహం చేసుకొని సెకండ్‌ ఇన్నింగ్స్‌ ప్రారంభించిన విషయం తెలిసిందే. అయితే పెళ్లి తర్వాత కూడా సినిమాల్లో ఏ మాత్రం జోష్‌ తగ్గించని ఈ బ్యూటీ వరుస సినిమాలతో దూసుకెళుతోంది. ప్రస్తుతం ఈ అమ్మడు ఏకంగా ఆరు సినిమాలతో బిజీగా ఉంది. ఇక కేవలం సినిమాలే కాకుండా తొలిసారి వెబ్‌సిరీస్‌లోనూ నటించిందీ బ్యూటీ. ‘లైవ్‌ టెలికాస్ట్‌’ పేరుతో తెరకెక్కిన ఈ వెబ్‌ సిరీస్‌ థ్రిల్లర్‌ నేపథ్యంలో రూపొందించారు. తాజాగా ఈ వెబ్‌ సిరీస్‌ గురించి కాజల్‌ పలు ఆసక్తికర విషయాలు వెల్లడించింది. ఈ విషయమై కాజల్‌ మాట్లాడుతూ.. ‘లైవ్‌ టెలికాస్ట్‌ కోసం షూటింగ్ చేసిన ఇల్లు కొండపై ఉండేది. ఆ ఇంటికి చుట్టుపక్కల పరిసరాల్లో మరో ఒక్క ఇల్లు కూడా లేదు. అక్కడ వాతావరణమంతా నిర్మానుష్యంగా చాలా భయంకరంగా ఉండేది. షూటింగ్ పూర్తి చేసుకొని ఇంటికి వెళ్లిన ప్రతి రోజూ రాత్రి నిద్రపట్టేది కాదు. చాలా భయంవేసేది. ఈ వెబ్‌ సిరీస్‌ షూటింగ్‌ పూర్తయ్యే వరకూ ఏరోజు సరిగ్గా నిద్రపోలేదు’ అని చెప్పుకొచ్చిందీ బ్యూటీ.

‘లైవ్‌ టెలికాస్ట్‌’ వెబ్‌ సిరీస్‌ డిస్నీ ప్లస్‌ హాట్‌స్టార్‌లో టెలికాస్ట్‌ కానుంది. ఈ వెబ్‌ సిరీస్‌ కథ విషయానికొస్తే.. ఒక షో చిత్రీకరణ కోసం చిత్ర యూనిట్‌ ఓ ఇంటిలోకి వెళుతుంది. షూటింగ్‌ చేసే సమయంలో ఆ ఇంట్లో ఏవో అతీత శక్తులు ఉన్నట్లు వారు గుర్తిస్తారు. ఆ తర్వాత చిత్ర యూనిట్‌కు ఎలాంటి అనుభవాలు ఎదురయ్యాయి. వారు ఆ ఇంటి నుంచి క్షేమంగా బయటపడ్డారా.. లేదా? లాంటి ఆసక్తికర అంశాలతో ఈ వెబ్‌ సిరీస్‌ను తెరకెక్కించారు. మరి ఇన్ని రోజులు తన అందంతో ఆకట్టుకున్న కాజల్‌.. ఎంత వరకు భయపెడుతుందో చూడాలి.

Also Read: Sushmita Sen: అతడు మారడు.. ఆమె వెళ్లిపోతుంది.. బాయ్‌ఫ్రెండ్‌కి బ్రేకప్ చెప్పిన మాజీ ప్రపంచ సుందరి..?