కేన్స్ టు మెట్ గాలా..! ఇంటర్నేషనల్ వేదికలపై ఇండియన్ ఫ్యాషన్ మ్యాజిక్..
తాజాగా బాలీవుడ్ స్టార్ బ్యూటీ జాన్వీ కపూర్ ఈ గ్లోబల్ ట్రెండ్కు తనదైన గ్లామరస్ హంగులను జోడించారు. రామ్ చరణ్ సహనటుడిగా నటిస్తున్న తన తదుపరి చిత్రం ‘పెద్ది’ (Peddi) ట్రైలర్ లాంచ్ వేడుకలో ఆమె ప్రముఖ డిజైనర్ మనీష్ మల్హోత్రా రూపొందించిన అద్భుతమైన చీర కట్టులో మెరిసిపోయారు. ఫ్యాషన్ స్టైలిస్ట్ మేగన్ కన్సెక్సియో తీర్చిదిద్దిన ఈ లుక్లో జాన్వీ ప్రశాంతమైన బ్లూ కలర్ షిఫాన్ చీరను ధరించి వేదికపై ప్రత్యేక ఆకర్షణగా నిలిచారు.
ఫ్యాషన్ ప్రపంచంలో ట్రెండ్స్ వస్తుంటాయి, పోతుంటాయి. కానీ, కొన్ని సాంప్రదాయ క్లాసిక్ డిజైన్లు ఎప్పటికప్పుడు కొత్త రూపం దాల్చి మళ్లీ వెలుగులోకి వస్తుంటాయి. ప్రస్తుతం మన భారతీయ సాంప్రదాయ వస్త్రమైన ‘దుపట్టా’ (చున్ని లేదా ఓణీ) అంతర్జాతీయ స్థాయిలో సరికొత్త రికార్డులు సృష్టిస్తోంది. ఒకప్పుడు కేవలం పండగలు, పెళ్లిళ్లు వంటి సాంప్రదాయ సందర్భాలకే పరిమితమైన ఈ వస్త్రం, ఇప్పుడు గ్లోబల్ లెవెల్లో ఒక మేజర్ స్టైల్ స్టేట్మెంట్గా రూపాంతరం చెందింది. హేలీ బీబర్ నుండి కెండల్ జెన్నర్ వరకు ఎంతోమంది పాశ్చాత్య సెలబ్రిటీలు అంతర్జాతీయ రెడ్ కార్పెట్ ఈవెంట్లలో దుపట్టా స్టైల్ను ధరించి అందరినీ ఆశ్చర్యపరుస్తున్నారు.
బండేయు బ్లౌజ్..
ఈ లేత రంగు షిఫాన్ చీరకు జతగా జాన్వీ టెక్స్చర్డ్ బండేయు బ్లౌజ్ను ధరించారు. ఇందులోని సూక్ష్మమైన ఎంబ్రాయిడరీ డిజైన్ ఆమె మోనోక్రోమ్ అవుట్ఫిట్కు మరింత అధునాతన రూపాన్ని తీసుకొచ్చింది. బ్లౌజ్ యొక్క పర్ఫెక్ట్ స్ట్రక్చర్, చీర యొక్క తేలికపాటి భంగిమను మరింత అందంగా ఎలివేట్ చేసింది. దీనికి తోడు వన్-షోల్డర్ శైలిలో చేసిన ఈ చీర కట్టు ఆమె రూపానికి ఒక విలక్షణమైన హుందాతనాన్ని తెచ్చిపెట్టింది.
అయితే, ఈ మొత్తం అవుట్ఫిట్లోనే హైలైట్గా నిలిచింది ఆమె ధరించిన మ్యాచింగ్ దుపట్టా. మెడ చుట్టూ ఎంతో అందంగా చుట్టుకుని, వెనుక వైపుకు జాలువారుతున్న ఆ దుపట్టా డ్రాపింగ్ స్టైల్ ఈ లుక్కే ఒక క్రేజీ లుక్ను ఇచ్చింది. అంచులకు టాసెల్స్ (కుచ్చులు) అమర్చిన ఈ దుపట్టా, కరెంట్ ఇంటర్నేషనల్ రెడ్ కార్పెట్ మీద ట్రెండ్ అవుతున్న ‘స్కార్ఫ్-ఇన్స్పైర్డ్’ శైలిని ప్రతిబింబించింది. జాన్వీ లుక్ ఫోటోలను మనీష్ మల్హోత్రా ఇన్స్టాగ్రామ్లో షేర్ చేస్తూ.. “ఫ్రెంచ్ షిఫాన్ ఫ్రింజ్ చీరతో కూడిన మా బ్లూ హ్యాండ్-పెయింటెడ్ లుక్ ఇది. మన భారతీయ దుపట్టా నుండి స్ఫూర్తి పొంది, ప్రపంచవ్యాప్తంగా 2026 సంవత్సరాన్ని ‘ఇయర్ ఆఫ్ ది డ్రాప్’ (Year of the drape) గా పిలుస్తున్నారు” అని గర్వంగా రాసుకొచ్చారు.
దుపట్టా హవా
జాన్వీ తన లుక్కు మరింత వన్నె తెచ్చేలా ‘జెట్ జెమ్స్’ సంస్థ నుండి సేకరించిన ఇయర్రింగ్స్, రింగ్ మరియు ‘గోలెచాస్ జ్యువెల్స్’ బ్రాండ్ కి చెందిన బ్రాస్లెట్ను ధరించారు. ప్రముఖ మేకప్ ఆర్టిస్ట్ సవ్లీన్ మంచందా ఆమెకు షిమరీ ఐషాడో, వింగ్డ్ లైనర్, బ్లష్డ్ చీక్స్, గ్లోసీ న్యూడ్ లిప్స్తో అద్భుతమైన గ్లామ్ లుక్ ఇచ్చారు. హెయిర్ స్టైలిస్ట్ సౌరవ్ రాయ్ హై పోనీటైల్ జుట్టుతో ఈ రూపాన్ని పరిపూర్ణంగా మార్చేశారు.
కొన్ని రోజుల క్రితం కేన్స్ ఫిల్మ్ ఫెస్టివల్లో నటి అలియా భట్ కూడా తాను ధరించిన పింక్ కలర్ తమారా రాల్ఫ్ స్ట్రాప్లెస్ గౌన్కు మ్యాచింగ్ దుపట్టాను జోడించి అంతర్జాతీయ వేదికపై అందరినీ మెప్పించారు. అదేవిధంగా ప్రతిష్టాత్మకమైన మెట్ గాలా (Met Gala) ఈవెంట్లో కెమిలా మెండిస్, హేలీ బీబర్ వంటి గ్లోబల్ ఐకాన్స్ సైతం దుపట్టా తరహా లాంగ్ డ్రాప్స్తో సందడి చేశారు. పాశ్చాత్య డిజైన్ల మధ్య భారతీయ సాంప్రదాయ ముద్ర ఇంతటి ఘన విజయాన్ని సాధించడం మన చేనేత మరియు వస్త్ర సంస్కృతికి దక్కిన అరుదైన గౌరవం.