అలాంటి ప్రశ్నకు సమాధానం చెప్పలేనంటున్న అందాల భామ.. పీరియాడిక్ ఫిల్మ్లో నటించడం వల్ల..
లేటెస్ట్ బాలీవుడ్ ప్రాజెక్ట్ ‘ద బ్యాటిల్ ఆఫ్ భీమా కొరెగావ్’లో నటించడం తనకు చాలా సంతృప్తినిచ్చిందని అంటుంది అందాల భామ దిగంగనా
లేటెస్ట్ బాలీవుడ్ ప్రాజెక్ట్ ‘ద బ్యాటిల్ ఆఫ్ భీమా కొరెగావ్’లో నటించడం తనకు చాలా సంతృప్తినిచ్చిందని అంటుంది అందాల భామ దిగంగనా సూర్యవంశీ. తెలుగు, తమిళ్తో పాటు హిందీలో నటించిన ఈ భామ హీరోయిన్గా మంచి గుర్తింపు తెచ్చుకుంది. వ్యక్తిగతంగా సాక్ష్యమివ్వలేని ఒక పాత్ర లేదా యుగంలోకి వెళ్లడం అనేది కష్టంగా లేదా తేలికగా కూడా ఉండొచ్చన్న ఆమె పీరియాడికల్ ఫిల్మ్ బ్యూటీనెస్ అదే అని తెలిపింది.
ఆ పాత్రను ఊహించుకోవడం, స్క్రిప్టు చదివి అర్ధం చేసుకోవడం ద్వారానే మనం తెరపై జీవించాలని.. అప్పుడున్న కొన్ని విషయాలు ఇప్పుడు ఉనికిలో ఉండవని వెల్లడించింది. ‘ద బ్యాటిల్ ఆఫ్ భీమా కొరెగావ్’ చాలా అందమైన ప్రాజెక్ట్ అన్న దిగంగన.. ఈ సినిమా ద్వారా చాలా అంశాల గురించి తెలుసుకున్నాని చెప్పింది. పాత్ర కోసం ఎలా ప్రిపేర్ అవుతాననేది చాలా పర్సనల్ విషయమని, అలాంటి ప్రశ్నకు సమాధానం కూడా చెప్పలేనంటూ.. సినిమా క్రియేటర్ రమేష్ తిటే విజన్కు మాత్రం సెల్యూట్ చేసింది. అర్జున్ రాంపాల్ హీరోగా వస్తున్న గొప్ప పీరియాడిక్ ఫిల్మ్లో యాక్ట్ చేయడం వల్ల కల నిజమైనట్లుగా ఉందని చెప్పింది.