Deepika Padukone : మరో వివాదంలో దీపికా పదుకొనే.. ఆ యాడ్‌పై ఫైర్ అవుతున్న లేడీ డైరెక్టర్.. కారణాలు ఇలా..

Deepika Padukone : బాలీవుడ్ స్టార్ దీపికా పదుకొనేను ఇటీవలే తమ బ్రాండ్ అంబాసిడర్‌గా నియమించుకున్న లెవిస్ జీన్స్.. కొత్తగా ఓ యాడ్ రిలీజ్ చేసింది. మ్యూజికల్ ట్రూప్‌తో కలిసి దీపిక ఓ స్టూడియోలో డ్యాన్స్ చేస్తున్నట్లు కనిపించిన ఈ యాడ్ వీడియో నెటిజన్లను అట్రాక్ట్ చేయగా.. ఈ విధంగా తన బ్రాండ్‌ను ప్రమోట్ చేసుకుంది లెవిస్. అయితే నెట్‌ఫ్లిక్స్ ఫిల్మ్ ‘యె బెల్లెట్’ డైరెక్టర్ సూని తరపొరెవాలా మాత్రం ఈ యాడ్‌పై ఫైర్ అవుతూ ‘ఇది మేధోసంపత్తిని దొంగిలించడమే (ఇంటలెక్చువల్ థెఫ్ట్)’ అని పోస్ట్ పెట్టింది.

తమ సినిమా కోసం వేసిన డ్యాన్స్ స్టూడియో సెట్‌ను అనుమతి లేకుండా ఎలా వాడుకుంటారని సోషల్ మీడియా వేదికగా నిలదీసింది. ఇది గౌరవప్రదంగా లేదని, తమ అద్భుతమైన ప్రొడక్షన్ డిజైనర్ షాల్జాయిడ్ సృజనాత్మకతను ఇలా దోచుకోవడం అన్యాయం అంటూ తన సినిమాకు సంబంధించిన సీన్‌తో పాటు లెవిస్ యాడ్ స్క్రీన్ షాట్స్ షేర్ చేసింది. కాగా లెవిస్ యాడ్ ప్రొడక్షన్ డిజైనర్ రూపిన్ సుచక్.. సినిమా, యాడ్‌ మధ్య పోలికలు ఉన్నమాట నిజమేనని అంగీకరించారు. కానీ తాము యాడ్ డైరెక్టర్ చెప్పినట్లే చేశామని తెలిపారు.

ఇదిలా ఉంటే.. కమర్షియల్ సినిమాలతో పాటు ఛాలెజింగ్‌ రోల్స్‌ కూడా చేస్తున్న దీపిక ఇమేజ్‌తో పాటు బ్రాండ్‌ వాల్యూను కూడా భారీగా పెంచుకుంటున్నారు. రీసెంట్‌గా సెలబ్రిటీ బ్రాండ్‌ వాల్యూ పై చేసిన స్టడీలో ఫీమేల్‌ స్టార్స్‌లో టాప్‌ చైర్‌ నిలబెట్టుకున్నారు దీపిక. గత ఏడాది కూడా మోస్ట్‌ వాల్యుబుల్‌ ఫీమేల్‌ సెలబ్రిటీగా రికార్డ్‌ సెట్‌ చేసిన దీపికా.. ఈ ఏడాది కూడా తన ప్లేస్‌ కాపాడుకున్నారు. కరోనా ఎఫెక్ట్ సినీ ఇండస్ట్రీ మీద భారీ ఇంపాక్ట్ చూపించినా దీపిక ఇన్‌కం మీద… ఏ మాత్రం నెగటివ్‌ షేడ్‌ పడలేదు. ఈ టైంలోనూ బ్రాండింగ్స్‌తో 50.4 మిలియన్‌ డాలర్స్‌ సంపాదించారు దీపిక పదుకొనే. గత ఏడాది దీపిక నటించిన ఒక్క సినిమా మాత్రమే థియేటర్లలోకి వచ్చింది. లాస్ట్ జనవరిలో ఛపాక్ సినిమాతో ఆడియన్స్ ముందుకు వచ్చారు ఈ స్టార్ హీరోయిన్‌. అయితే సినిమాలు లేకపోయినప్పటికీ, బ్రాండింగ్‌లు మాత్రం తగ్గలేదు.

View this post on Instagram

A post shared by Sooni Taraporevala (@soonifilms)

jerbara flowers:ఈ పూలతో లక్షల్లో లాభాలు.. మొక్కకు 25 పెడితే.. ఒక్కో పువ్వు ఎంత పలుకుతుందో తెలుసా..