యువతిపై దాడి.. పోలీసు అధికారిపై సీఎం సీరియస్

పవర్ ఉంది కదానీ రెచ్చిపోయిన పోలీసు అధికారికి తగిన శాస్తి జరిగింది. జార్ఖండ్ లో సంచలన కలిగించిన ఘటనపై స్పందించిన ఆ రాష్ట్ర ముఖ్యమంత్రి సదరు అధికారిని సస్పెండ్ చేస్తూ ఉత్తర్వులు జారీ చేశారు.

జార్ఖండ్ రాష్ట్రంలోని సాహిబ్‌గంజ్‌లో పోలీసు అధికారి విచక్షణ కోల్పోయాడు. నడిరోడ్డుపై ఓ యువతి చెంప పగలగొట్టాడు. అక్కడితో ఆగకుండా ఆమె జుట్టుపట్టుకొని లాక్కెళ్లాడు. ఇందుకు సంబంధించిన వీడియో సోషల్ మీడియాలో వైరల్ మారింది. దీంతో నెటిజన్లు దుమ్మెత్తిపోశారు. సదరు అధికారిపై కఠిన చర్యలు తీసుకోవాలని డిమాండ్ చేశారు. ఈ వార్త ఆ రాష్ట్ర ముఖ్యమంత్రి హేమంత్ సోరెన్ వరకూ చేరింది. ఆ వీడియోను చూసిన సీఎం తీవ్రంగా స్పందించారు. రాష్ట్ర డీజీపీ ఎమ్‌వీ రావుకు ట్యాగ్ చేస్తూ వీడియోను షేర్ చేశారు. ‘ఇలాంటి నీచమైన, అనుచితమైన ప్రవర్తనను అస్సలు భరించకూడదు’ అని ట్వీట్ చేశారు. వీడియోలోని పోలీసు అధికారిపై వెంటనే చర్యలు తీసుకోవాలని సూచించారు. దీనిపై వెంటనే స్పందించిన డీజీపీ సదరు పోలీసు అధికారిని సస్పెండ్ చేస్తూ ఉత్తర్వులు జారీ చేశారు. అతనిపై శాఖపరమైన చర్యలకు ఆదేశించారు.

यह सरासर अनुचित और शर्मनाक कृत्य है, जो बर्दाश्त के काबिल नहीं है। .@MVRaoIPS जी, मामले की जाँच करते हुए दोषी प्रभारी के ख़िलाफ़ कड़ी कार्रवाई करें एवं सूचित करें। https://t.co/6Ntthz7GP2

— Hemant Soren (घर में रहें – सुरक्षित रहें) (@HemantSorenJMM) July 27, 2020