Honour Killing: ప్రేమ పెళ్లి చేసుకుందని దారుణం.. ఇద్దరు కూతుళ్లు, నలుగురు మనవలు సజీవ దహనం..

Honour Killing: పాకిస్తాన్‌లో దారుణం చోటుచేసుకుంది. త‌న కూతురు త‌న‌కు ఇష్టం లేని పెళ్లి చేసుకుందని.. ఓ తండ్రి కుటుంబంలోని ఆరుగురిని

Shaik Madar Saheb |
Updated on: Oct 19, 2021 | 3:23 PM

Honour Killing: పాకిస్తాన్‌లో దారుణం చోటుచేసుకుంది. త‌న కూతురు త‌న‌కు ఇష్టం లేని పెళ్లి చేసుకుందని.. ఓ తండ్రి కుటుంబంలోని ఆరుగురిని స‌జీవ ద‌హనం చేశాడు. ఈ ఘాతుకానికి ఇద్దరు కూతుళ్లు, ఇద్దరు మ‌న‌వ‌లు, ఇద్దరు మ‌న‌వ‌రాళ్లు బలయ్యారు. ఈ దారుణ సంఘటన పాకిస్తాన్‌లోని పంజాబ్ ప్రావిన్స్ ముజ‌ఫ‌ర్‌గ‌ఢ్‌లో చోటుచేసుకుంది. ముజఫర్‌గఢ్‌లో నివసించే మంజూర్ హుస్సేన్ ఈ దారుణానికి పాల్పడినట్లు పోలీసులు వెల్లడించారు. మంజూర్ కూతురు ఫౌజియా బీబీ, మెహబూబ్ కొన్నేళ్ల క్రితం ప్రేమించి పెళ్లి చేసుకున్నారు. అనంతరం ఇరు కుటుంబాల మధ్య గొడవలు ప్రారంభమయ్యాయి. ఈ క్రమంలో మంజూర్ కూతురు చంపాలని కొడుకు సాబిర్ హుస్సేన్‌తో కలిసి ప్లాన్ రచించాడు. కూతురు, మనవళ్లు ఉన్న ఇంటిని తగులబెట్టాడు. ఈ ఘటనలో మంజూర్ కూతురు ఫౌజియా బీబీ, ఆమె నాలుగు నెల‌ల చిన్నారి, మ‌రో ముగ్గురు పిల్లలు మృత్యువాత ప‌డినట్లు పోలీసు అధికారి అబ్దుల్ మజీద్ తెలిపారు.

ఈ ఘటన నుంచి బ‌య‌ట‌ప‌డిన హుస్సేన్‌ అల్లుడు మెహ‌బూబ్ అహ్మద్ పోలీసుల‌కు ఫిర్యాదు చేశాడు. మంజూర్ హుస్సేన్‌తోపాటు అత‌ని కొడుకు సాబిర్ హుస్సేనే ఈ దారుణానికి పాల్పడ్డారని పేర్కొన్నాడు. తాను ముల్తాన్ నుంచి ఇంటికి వ‌చ్చే స‌మ‌యానికి ఆ ఇద్దరూ ఇంటిని తగులబెట్టి పారిపోవ‌డం చూశాన‌ని ఫిర్యాదులో పేర్కొన్నాడు. కాగా.. ఈ ఘటన పాకిస్తాన్‌లో కలకలం రేపింది. ఇదిలాఉంటే.. మానవహక్కుల నివేదిక ప్రకారం.. పాకిస్తాన్‌లో ప్రతి సంవత్సరం దాదాపు 1,000 పరువు హత్యలు జరుగుతున్నాయి.