Viral Video: మెసేజ్‌‌తో కూడిన ఫన్నీ వీడియో.. రెండు డోసుల వ్యాక్సిన్లు తీసుకున్న యువకుడు రైలుకు ఎదురెళ్ళిన వైనం

2nd Of Corona Vaccine

Shocking viral video: ప్రపంచాన్ని గడగడలాడిస్తున్న ప్రాణంతకమైన కరోనా మహమ్మారిపై కూడా కొంతమంది కామెడీ చేసేస్తున్నారు. ప్రస్తుతం సోషల్‌ మీడియాలో ఓ వీడియో తెగ వైరల్‌ అవుతోంది. వైరస్‌ సోకినా నో ప్రాబ్లం అనే కాన్ఫిడెన్స్‌ ఈ వీడియోలో కనిపిస్తోంది. ఇప్పటికే ఇలాంటి ఎన్నో వీడియోలు సోషల్ మీడియాలో హల్‌చల్‌ చేస్తున్నాయి. అయితే ప్రస్తుత వీడియోలో ఓ కుర్రాడు రెండు డోసుల కరోనా వ్యాక్సిన్‌ తీసుకుంటే… ప్రజల్లో కాన్ఫిడెన్స్ ఎంతలా పెరుగుతుందో ఫన్నీగా చూపించాడు. ఆ వీడియో ప్రకారం పట్టాలపై స్పీడ్‌గా వస్తున్న రైలుకు ఎదురెళ్లిన యువకుడు ధైర్యంగా నిలబడతాడు. అయితే వీడియో చూసేవారు ఆ ట్రైన్‌ దగ్గరికి వచ్చాక.. ఆ యువకుడు పక్కకు వెళ్లిపోతాడని అనుకుంటారు. కానీ దానికి భిన్నంగా ఆ కుర్రాడు ట్రైన్‌ దగ్గరికి వచ్చినా కూడా పట్టాలపైనే ఉంటాడు. అంతే కాకుండా ఆ రైలును కాలితో బలంగా తన్నాడు. అంతే… రైలు ఎలా వచ్చిందో అలాగే వెనక్కి పరుగులు తీసింది.

అయితే, ఇది కంప్లీట్‌గా గా గ్రాఫిక్ వీడియో. కానీ వీడియో చూసేవాళ్లకు మాత్రం ఇది నిజమైన వీడియోలానే అనిపిస్తుంది. రైలును తన్నిన తర్వాత ఆ యువకుడు అదే పట్టాలపై నడుస్తూ… వెనక్కి వెళ్లిపోతున్న రైలును చూసి… ఇదీ రెండు వ్యాక్సిన్లు తీసుకుంటే వచ్చే కాన్ఫిడెంట్‌ అన్నట్లుగా చూడటం.. అందరికీ నవ్వు తెప్పిస్తోంది. ఈ వీడియోను చూసిన నెటిజన్లు ఫన్నీ కామెంట్స్ తో హోరెత్తిస్తున్నారు. వ్యాపారవేత్త హర్ష గోయెంకా ఈ వీడియోని నెట్టింట్లో షేర్ చేస్తూ.. ఫన్నీ కాప్షన్ జోడించారు. రెండు డోసులు వ్యాక్సిన్ వేసుకుంటే… ఇక కరోనా ఎందుకు సోకుతుంది అని అడిగారు. ఐతే… ఈ కామెంట్ వెనుక ఓ సెటైర్ కూడా దాగి ఉంది. వ్యాక్సిన్ తీసుకున్నాం కాబట్టి ఇక కరోనా రాదనుకునే ఓవర్ కాన్ఫిడెన్స్‌తో ఉంటున్నారనే విమర్శ ఉంది. అలాంటి వారి వల్ల కరోనా కేసులు పెరిగే ఛాన్స్‌ ఉందనేది హర్ష గోయెంకా ఉద్దేశంగా చెప్పుకోవచ్చు.

Also Read: వేసవి దాహార్తిని తీర్చే రాయలసీమ స్పెషల్ డ్రింక్ నన్నారి షర్బత్..విశిష్టత ఏమిటంటే..!

భార్య పిల్లలకి అన్యాయం చేస్తున్నావు.. అంటూ తిడుతూ శాపాలు పెడుతూ లెటర్స్ అందుకుంటున్నా..