హైదరాబాద్.. సిటీలో కరోనా నివారణ మందుల ధరలు ఇవీ !

కరోనా నివారణలో తోడ్పడే రెమ్ డెసివిర్ మందును హైదరాబాద్ లోని హెటిరో ల్యాబ్ వంద మిల్లీగ్రాముల ‘వైల్’ ని 5,400 రూపాయలకు అమ్మనుంది. దేశంలోని ఇతర ఆస్పత్రులకు ఈ మందును సరఫరా చేస్తామని ఈ సంస్థ వర్గాలు తెలిపాయి. తాము 20 వేల వైల్స్ ని సప్లయ్ చేయనున్నామని  ఈ వర్గాలు పేర్కొన్నాయి. ఇక సిప్లా కంపెనీ.. తన బ్రాండ్ లోని ఇదే మందును 5 వేల రూపాయలకు విక్రయించబోతోంది. ఈ రెండు కంపెనీలు ఇదివరకే అమెరికాకు చెందిన గిలీద్ సైన్సెస్ సంస్థతో ఒప్పందం కుదుర్చుకున్నాయి. ఈ మెడిసిన్ తయారీ, అమ్మకాలను 127 మిడిల్ ఇన్ కమ్ దేశాలకు సరఫరా  చేస్తామని హామీ ఇచ్చాయి. కాగా-ఇండియాలో 456,183 కరోనా వైరస్ కేసులు నమోదు కాగా-బుధవారం నాటికీ మరణాల సంఖ్య 14,476  కి చేరింది.