గోవాకి టూరిస్టుల ఆహ్వానం..! కీలక నిర్ణయం తీసుకున్న సీఎం

Goa beach

దేశవ్యాప్తంగా కరోనా వైరస్ తీవ్రంగా విజృంభిస్తోన్న తరుణంలో టూరిస్టులకు ఆహ్వానం పలకబోతుంది గోవా రాష్ట్రం. ఈ మేరకు గోవా సీఎం ప్రమోద్ సావంత్ కీలక నిర్ణయం ప్రకటించారు. సోమవారం ప్రధాని మోదీతో జరిగిన వీడియో కాన్ఫరెన్స్‌లో.. ఆయనతో చర్చించిన సీఎం ఈ మేరకు ఈ నిర్ణయం తీసుకున్నట్లు తెలుస్తోంది. గోవా ప్రభుత్వానికి ప్రధాన ఆదాయం టూరిజమే. ముఖ్యంగా ఇక్కడకి విదేశీ పర్యాటకులు ఎక్కువగా వస్తారు. అయితే గత రెండు నెలల నుంచి కరోనా వైరస్ లాక్‌డౌన్ కారణంగా.. ఆ రాష్ట్రానికి ఆదాయం లేకుండా పోయింది.

అయితే సోమవారం ప్రధాని మోదీ.. సీఎంలతో వీడియో కాన్ఫరెన్స్‌లో.. దేశంలో పర్యాటక రంగాన్ని కూడా గాడిన పెట్టాల్సిన అవసరం ఉందంటూ.. చర్యలు తీసుకోవాలని ఆయా రాష్ట్రాలను కోరారు ప్రధాని. దీంతో.. తెల్లారే గోవా ప్రభుత్వం ఈ నిర్ణయం తీసేసుకుంది. పర్యాటకులను ఆహ్వానించేందుకు తమ ప్రభుత్వం సిద్ధంగా ఉందని సీఎం ప్రమోద్ సావంత్ ప్రకటించారు.

కాగా ప్రస్తుతం గోవా రాష్ట్రం గ్రీన్‌ జోన్‌గా ఉంది. అక్కడ కేవలం 7 కరోనా కేసులు మాత్రమే నమోదయ్యాయి. ఆ ఏడు కేసుల్లోనూ బాధితులు రికవరీ అయ్యారు. అందువల్ల ఇక్కడ ఒక్క మరణం కూడా లేదు. అందుకే పర్యాటకుల్ని ఆహ్వానించబోతున్నట్లు పేర్కొన్నారు సీఎం ప్రమోద్. అలాగే గోవా రాష్ట్రం సరిహద్దుల్లో ఉన్న మహారాష్ట్ర, కర్ణాటకల నుంచి మాత్రం పర్యాటకులను అస్సలు అనుమతించమన్నారు. ఆ రెండు రాష్ట్రాల్లో కరోనా ఎక్కువగా ఉన్న కారణంగా వారిని అనుమతించబోమన్నారు. మే 17వ తేదీన కేంద్ర ప్రభుత్వం ఏం చెబుతుందో దాన్ని బట్టి.. వేగంగా గైడ్‌లైన్స్ రెడీ చేసి.. పర్యాటకుల్నిఅనుమతిస్తామని సీఎం ప్రమోద్ సావంత్ తెలిపారు.

ఈ మేరకు గోవాలో టూరిస్టులు ఎలా ఉండాలో ఓ ప్లాన్ రెడీ చేసుకుంటోంది గోవా పర్యాటక శాఖ. పర్యాటకులందరకూ శానిటైజర్లు, మాస్కులు, గ్లోవ్స్, భౌతిక దూరం పాటిస్తూ ఉండేలా చర్యలు తీసుకోబోతున్నారట. అలాగే ఎక్కడ బడితే అక్కడ లిక్కర్, ఆహారం ఇష్టమొచ్చినట్లు అమ్మరని.. గోవా పర్యాటక శాఖ ఓ నివేదిక తయారు చేస్తోంది.

Read More:

బ్రేకింగ్ న్యూస్: ఈ రోజు రాత్రి 8 గంటలకు ప్రధాని మోదీ కీలక ప్రసంగం

మరో కీలక నిర్ణయం తీసుకున్న ఏపీ ప్రభుత్వం.. టెన్త్ విద్యార్థులకు వాట్సాప్‌ లెసన్స్

పింఛన్ల పంపిణీపై ఏపీ ప్రభుత్వం కీలక నిర్ణయం