చెర్రీ ఫేవరెట్ హీరోయిన్‌ ఎవరో తెలుసా..!

ప్రేక్షకులకే కాదు.. మన హీరో హీరోయిన్లకు కూడా అభిమాన హీరోలు, హీరోయిన్లు ఉంటారు. అలా ఇప్పటి హీరోయిన్లలో మెగా పవర్‌స్టార్ రామ్ చరణ్‌కు నచ్చే హీరోయిన్ ఎవరో తెలుసా..? ఈ విషయాన్ని ఇటీవల ఓ ఇంటర్వ్యూలో వెల్లడించారు చెర్రీ. ఇప్పటి హీరోయిన్లలో తనకు సాయిపల్లవి అంటే ఇష్టమని ఏ మాత్రం ఆలోచించకుండా చెప్పేశారు చెర్రీ. కాగా ఎన్టీఆర్ సైతం ఇప్పటి హీరోయిన్లలో తనకు సాయి పల్లవి అంటే ఇష్టమని ఓ సందర్భంలో వెల్లడించిన విషయం తెలిసిందే. మరి ఈ ఇద్దరిలో ఈ బ్యూటీకి ఎవరైనా త్వరలో అవకాశం ఇస్తారేమో చూడాలి.

కాగా ఫిదాలో టాలీవుడ్‌లోకి గ్రాండ్ ఎంట్రీ ఇచ్చిన సాయి పల్లవి.. ఆ మూవీతో ఇక్కడ చాలా మంది అభిమానులను సంపాదించుకుంది. అందం, అభినయానికి తోడు ఆమె డ్యాన్స్‌ అప్పట్లో అందరినీ తెగ ఆకట్టుకుంది. దీంతో ఈ బ్యూటీకి వరుస అవకాశాలు కూడా వచ్చాయి. కానీ సినిమాల విషయంలో పక్కా ప్లాన్ ఉండటం.. గ్లామర్‌ విషయంలో హద్దులు పెట్టుకోవడంతో చాలా అవకాశాలను వదిలేసుకుంది ఈ బ్యూటీ. ప్రస్తుతం ఈ అమ్మడు తెలుగులో నాగ చైతన్య సరసన లవ్‌ స్టోరీ, రానాతో విరాట పర్వంలో నటిస్తోంది. వీటితో పాటు కిశోర్ తిరుమల తెరకెక్కించనున్న ఓ ఫ్యామిలీ ఎంటర్‌టైనర్‌లో శర్వాతో రెండోసారి జత కట్టబోతోంది ఈ మలార్ బ్యూటీ.

Read This Story Also: బన్నీ మూవీ టైటిల్.. అదే సెంటిమెంట్ ఫాలో అవుతోన్న సుకుమార్..!