బన్నీ మూవీ టైటిల్.. అదే సెంటిమెంట్ ఫాలో అవుతోన్న సుకుమార్..!
టాలీవుడ్లో క్రేజీ కాంబినేషన్గా పేరొందిన అల్లు అర్జున్-సుకుమార్ కాంబోలో హ్యాట్రిక్ చిత్రం తెరకెక్కబోతోన్న విషయం తెలిసిందే. ఎర్ర చందనం స్మగ్లింగ్ నేపథ్యంలో సాగుతోన్న ఈ మూవీలో బన్నీ
టాలీవుడ్లో క్రేజీ కాంబినేషన్గా పేరొందిన అల్లు అర్జున్-సుకుమార్ కాంబోలో హ్యాట్రిక్ చిత్రం తెరకెక్కబోతోన్న విషయం తెలిసిందే. ఎర్ర చందనం స్మగ్లింగ్ నేపథ్యంలో సాగుతోన్న ఈ మూవీలో బన్నీ లారీ డ్రైవర్గా కనిపించబోతున్నట్లు తెలుస్తోంది. ఇదిలా ఉంటే ఈ నెల 8న బన్నీ పుట్టినరోజు ఉండగా.. ఆ రోజున ఈ మూవీ టైటిల్తో పాటు ఫస్ట్లుక్ను విడుదల చేయాలని చిత్ర యూనిట్ భావిస్తోందట.
ఇక ఈ మూవీకి శేషాచలం అనే టైటిల్ను అనుకుంటున్నట్లు వార్తలు రాగా.. తాజా సమాచారం ప్రకారం బన్నీ కోసం పాత సెంటిమెంట్ను సుకుమార్ ఫాలో అవుతున్నట్లు తెలుస్తోంది. బన్నీ-సుకుమార్ కాంబోలో ఇదివరకు వచ్చిన ‘ఆర్య’, ‘ఆర్య 2’ టైటిళ్లలో రెండు అక్షరాలు ఉండగా.. ఇప్పుడు అదే సెంటిమెంట్తో ఈ మూవీ కోసం రెండక్షరాల టైటిల్ను పెట్టాలనుకుంటున్నట్లు తెలుస్తోంది. మరి బన్నీ మూవీ టైటిల్ ఏంటి..? ఇందులో బన్నీ ఎలా కనిపించబోతున్నాడు..? అనే ప్రశ్నలకు సమాధానం తెలియాలంటే అధికారిక ప్రకటన వచ్చేవరకు ఆగాల్సిందే. కాగా ఈ మూవీలో బన్నీ సరసన రష్మిక తొలిసారి జత కట్టబోతోంది. మైత్రీ మూవీ మేకర్స్ నిర్మించబోతోన్న ఈ చిత్రానికి దేవీ శ్రీ ప్రసాద్ సంగీతం అందిస్తున్నారు. ఈ మూవీపై టాలీవుడ్లో మంచి అంచనాలు ఉన్నాయి.
Read This Story Also: షాకింగ్.. చిరు మూవీ నుంచి మరొకరు ఔట్..!