UPSC Recruitment 2023: డిగ్రీ అర్హతతో కేంద్ర కొలువులకు యూపీఎస్సీ నోటిఫికేషన్.. ఇలా దరఖాస్తు చేసుకోండి..
యూనియన్ పబ్లిక్ సర్వీస్ కమిషన్ వివిధ కేంద్ర ప్రభుత్వ విభాగాల్లో ఖాళీగా ఉన్న.. శాశ్వత ప్రాతిపదికన 111 జూనియర్ ట్రాన్స్లేషన్ ఆఫీసర్, సైంటిస్ట్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల..
Updated on: Jan 15, 2023 | 12:23 PM
యూనియన్ పబ్లిక్ సర్వీస్ కమిషన్ వివిధ కేంద్ర ప్రభుత్వ విభాగాల్లో ఖాళీగా ఉన్న.. శాశ్వత ప్రాతిపదికన 111 జూనియర్ ట్రాన్స్లేషన్ ఆఫీసర్, సైంటిస్ట్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ లేదా ఇన్స్టిట్యూట్ నుంచి పోస్టును బట్టి సంబంధిత స్పెషలైజేషన్లో బ్యాచిలర్స్ డిగ్రీ, మాస్టర్స్ డిగ్రీ, పీహెచ్డీ లేదా తత్సమాన కోర్సులో ఉత్తీర్ణత సాధించి ఉండాలి. అలాగే సంబంధిత పనిలో అనుభవం కూడా ఉండాలి. అభ్యర్ధుల వయసు పోస్టును బట్టి 30 నుంచి 50 ఏళ్ల మధ్య ఉండాలి.
ఈ అర్హతలున్నవారు ఆన్లైన్ విధానంలో ఫిబ్రవరి 2, 2023వ తేదీ రాత్రి 11 గంటల 59 నిముషాలలోపు దరఖాస్తు చేసుకోవచ్చు. దరఖాస్తు సమయంలో జనరల్ అభ్యర్ధులు రూ.25 రిజిస్ట్రేషన్ ఫీజు చెల్లించవల్సి ఉంటుంది. ఎస్సీ/ఎస్టీ/వికలాంగ/మహిళా అభ్యర్ధులు ఫీజు చెల్లించవల్సిన అవసరం లేదు. రాత పరీక్ష, ఇంటర్వ్యూ ఆధారంగా తుది ఎంపిక చేస్తారు. ఎంపికైన వారికి నోటిఫికేషన్లో సూచించిన విధంగా జీతభత్యాలు చెల్లిస్తారు. ఇతర వివరాలు అధికారిక నోటిఫికేషన్లో చెక్ చేసుకోవచ్చు.
ఖాళీల వివరాలు..
- డిప్యూటీ కమిషనర్ (హార్టికల్చర్) పోస్టులు: 1
- అసిస్టెంట్ డైరెక్టర్(టాక్సికాలజీ) పోస్టులు: 1
- రబ్బర్ ప్రొడక్షన్ కమిషనర్(రబ్బరు బోర్డు) పోస్టులు: 1
- సైంటిస్ట్ ‘బి’ (నాన్-డిస్ట్రక్టివ్) పోస్టులు: 1
- సైంటిఫిక్ ఆఫీసర్ (ఎలక్ట్రికల్) పోస్టులు: 1
- ఫిషరీస్ రిసెర్చ్ ఇన్వెస్టిగేషన్ ఆఫీసర్ పోస్టులు: 1
- అసిస్టెంట్ డైరెక్టర్ ఆఫ్ సెన్సస్ ఆపరేషన్స్ (టెక్నికల్) పోస్టులు: 6
- అసిస్టెంట్ డైరెక్టర్ (ఐటీ) పోస్టులు: 4
- సైంటిస్ట్ ‘బి’ (టాక్సికాలజీ) పోస్టులు: 1
- సైంటిస్ట్ ‘బి’ (సివిల్ ఇంజినీరింగ్) పోస్టులు: 9
- జూనియర్ ట్రాన్స్లేషన్ ఆఫీసర్ (ఎంప్లాయీస్ స్టేట్ ఇన్సూరెన్స్ కార్పొరేషన్) పోస్టులు: 76
- డిప్యూటీ లెజిస్లేటివ్ కౌన్సెల్ (హిందీ బ్రాంచ్) పోస్టులు: 3
- అసిస్టెంట్ ఇంజినీర్ గ్రేడ్-1 పోస్టులు: 4
- సీనియర్ సైంటిఫిక్ ఆఫీసర్ పోస్టులు: 2
నోటిఫికేషన్ కోసం క్లిక్ చేయండి.
పూర్తి సమాచారం కోసం క్లిక్ చేయండి.
మరిన్ని కెరీర్ సంబంధిత వార్తల కోసం ఇక్కడ క్లిక్ చేయండి.
