TSRJC CET Exam Date 2022: జూన్‌6న టీఎస్‌ఆర్‌జేసీ సెట్‌- 2022 ప్రవేశ పరీక్ష.. వెబ్‌సైట్లో హాల్ టికెట్లు..

TSRJC CET 2022 result date: తెలంగాణ గురుకుల జూనియర్‌ కాలేజీల్లో ఇంటర్ ఫప్ట్‌ ఇయర్‌ ప్రవేశాల కోసం టీఎస్‌ఆర్‌జేసీ ప్రవేశ పరీక్ష (TSRJC CET 2022) జూన్ 6న నిర్వహిస్తున్నట్లు గురుకుల సొసైటీ సెక్రటరీ రమణకుమార్‌ ఓ ప్రకటనలో తెలిపారు. జూన్ 6వ తేదీన ఉదయం 10 నుంచి మధ్యాహ్నం 12 గంటల 30 నిముషాల వరకు హైదరాబాద్‌, మహబూబ్‌నగర్‌, నిజామాబాద్‌, ఆదిలాబాద్‌, కరీంనగర్‌, ఖమ్మం, వరంగల్‌, నల్గొండ, రంగారెడ్డి, మెదక్‌ జిల్లా కేంద్రాల్లో పరీక్ష జరుగుతుందని ఈ సందర్భంగా వెల్లడించారు. టీఎస్‌ఆర్‌జేసీ ప్రవేశ పరీక్షకు హాజరయ్యే విద్యార్థులు అధికారిక వెబ్‌సైట్లో https://tsrjdc.cgg.gov.in/ హాల్‌టికెట్లను డౌన్‌లోడ్ చేసుకోవచ్చని సూచించారు. ప్రవేశ పరీక్షలో ప్రతిభకనబరచిన విద్యార్థులకు 2022-23 విద్యాసంవత్సరానికి సంబంధించి రాష్ట్ర వ్యాప్తంగా ఉన్న 35 గురుకుల జూనియర్‌ కాలేజీల్లో ప్రవేశాలు కల్పిస్తారు. కాగా ఈపరీక్షకు మొత్తం 40,281 విద్యార్థులు దరఖాస్తు చేసుకున్నారు.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.