Konda Laxman: కొండా లక్ష్మణ్‌ హార్టికల్చరల్ యూనివ‌ర్సిటీ ఉద్యోగాల‌కు ద‌ర‌ఖాస్తు చేసుకున్నారా.? రేపే చివ‌రి తేదీ..

Konda Laxman bapuji Horticulture university: తెలంగాణ రాష్ట్రంలో ఏకైక హార్టీక‌ల్చ‌ర్ యూనివ‌ర్సిటీలో ప‌లు ఉద్యోగాల భ‌ర్తీకి నోటిఫికేష‌న్ జారీ చేశారు. సిద్ధిపేట జిల్లాలో రాజీవ్‌రహ‌దారిపై ములుగు గ్రామానికి స‌మీపంలో ఉన్న...

Konda Laxamn Bapuji

Narender Vaitla |
Updated on: Jun 19, 2021 | 6:14 AM

Konda Laxman bapuji Horticulture university: తెలంగాణ రాష్ట్రంలో ఏకైక హార్టీక‌ల్చ‌ర్ యూనివ‌ర్సిటీలో ప‌లు ఉద్యోగాల భ‌ర్తీకి నోటిఫికేష‌న్ జారీ చేశారు. సిద్ధిపేట జిల్లాలో రాజీవ్‌రహ‌దారిపై ములుగు గ్రామానికి స‌మీపంలో ఉన్న ఈ యూనివ‌ర్సిటీలో కాంట్రాక్ట్ విధానంలో మొత్తం 07 పోస్టుల‌ను భ‌ర్తీ చేయ‌నున్నారు. ద‌ర‌ఖాస్తుల స్వీక‌ర‌ణ రేప‌టితో (20-06-2021) ముగియ‌నున్న నేప‌థ్యంలో నోటిఫికేష‌న్‌కు సంబంధించిన పూర్తి వివరాలు..

భ‌ర్తీ చేయ‌నున్న ఖాళీలు, అర్హ‌తలు..

* నోటిఫికేష‌న్‌లో భాగంగా ఫామ్‌ మేనేజర్ (01), ల్యాబ్‌ అసిస్టెంట్ (01), స్టెనోగ్రాఫర్ (01), డ్రైవర్ (02), అటెండర్ (02) పోస్టుల‌ను భ‌ర్తీ చేయ‌నున్నారు.

* ఫామ్ మేనేజ‌ర్ పోస్టుకు ద‌ర‌ఖాస్తు చేసుకునే అభ్య‌ర్థులు.. హార్టిక‌ల్చ‌ర్‌/అగ్రికల్చర్ విభాగాల్లో బ్యాచిల‌ర్ డిగ్రీ పూర్తి చేసి ఉండాలి. ఎంపికైన అభ్య‌ర్థుల‌కు నెల‌కు రూ. 34,800 వరకు చెల్లిస్తారు.

* ల్యాబ్ అసిస్టెంట్ పోస్టుకు ద‌ర‌ఖాస్తు చేసుకునే అభ్య‌ర్థులు.. హార్టిక‌ల్చ‌ర్‌/అగ్రికల్చర్ విభాగాల్లో బ్యాచిల‌ర్ డిగ్రీ పూర్తి చేసి ఉండాలి. ఎంపికైన వారికి నెల‌కు రూ. 34,800 వ‌ర‌కు చెల్లిస్తారు.

* స్టెనో గ్రాఫ‌ర్ ఉద్యోగానికి ద‌రఖాస్తు చేసుకునే వారు బ్యాచిల‌ర్ డిగ్రీని పూర్తి చేసి ఉండాలి. ఎంపికైన అభ్య‌ర్థుల‌కు నెల‌కు రూ. 20,200 వరకు జీతంగా చెల్లిస్తారు.

* డ్రైవ‌ర్ పోస్టుకు ద‌ర‌ఖాస్తు చేసుకునే వారు ప‌దో త‌ర‌గ‌తి ఉత్తీర్ణులై ఉండాలి. అంతేకాకుండా హెవీ వెహికల్‌ డ్రైవింగ్‌ లైసెన్స్‌ ఉండాలి. ఎంపికైన అభ్య‌ర్థుల‌కు జీతంగా నెలకు రూ.20,200 వరకు చెల్లిస్తారు.

* అటెండర్ ఉద్యోగానికి ద‌రఖాస్తు చేసుకునే అభ్య‌ర్థులు.. ఏడో త‌ర‌గ‌తి పాస్ అయ్యి ఉండాలి. ఎంపికైన వారికి నెల‌కు రూ. 20,200 వరకు చెల్లిస్తారు.