Postal Recruitment: స్పోర్ట్స్ కోటాలో ఇండియన్ పోస్ట్‌లో ఉద్యోగాలు.. ఎలా ఎంపిక చేస్తారంటే..
ఇండియన్ పోస్టల్ డిపార్ట్‌మెంట్ పలు పోస్టుల భర్తీకి నోటిఫికేషన్‌ జారీ చేసింది. గుజరాత్ సర్కిల్, అహ్మదాబాద్‌లోని ఇండియన్ పోస్ట్, స్పోర్ట్స్/ డిపార్ట్‌మెంట్ ఆఫ్ పోస్ట్స్ ఈ పోస్టులను భర్తీ చేయనుంది. స్పోర్ట్స్ కోటా కింద పోస్టల్/ సార్టింగ్ అసిస్టెంట్, పోస్ట్‌మ్యాన్, మెయిల్ గార్డ్, ఎంటీఎస్‌ ఖాళీలను భర్తీ చేయనున్నారు...
Updated on: Oct 25, 2022 | 6:50 PM
ఇండియన్ పోస్టల్ డిపార్ట్‌మెంట్ పలు పోస్టుల భర్తీకి నోటిఫికేషన్‌ జారీ చేసింది. గుజరాత్ సర్కిల్, అహ్మదాబాద్‌లోని ఇండియన్ పోస్ట్, స్పోర్ట్స్/ డిపార్ట్‌మెంట్ ఆఫ్ పోస్ట్స్ ఈ పోస్టులను భర్తీ చేయనుంది. స్పోర్ట్స్ కోటా కింద పోస్టల్/ సార్టింగ్ అసిస్టెంట్, పోస్ట్‌మ్యాన్, మెయిల్ గార్డ్, ఎంటీఎస్‌ ఖాళీలను భర్తీ చేయనున్నారు. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..
భర్తీ చేయనున్న ఖాళీలు, అర్హతలు..
* నోటిఫికేషన్‌లో భాగంగా మొత్తం 188 ఖాళీలను భర్తీ చేయనున్నారు.
* వీటిలో పోస్టల్/ సార్టింగ్ అసిస్టెంట్లు (71), పోస్ట్‌మ్యాన్/ మెయిల్ గార్డ్ (56), మల్టీ-టాస్కింగ్ స్టాఫ్ (61) పోస్టులను భర్తీ చేయనున్నారు.
* పైన తెలిపిన పోస్టులకు దరఖాస్తు చేసుకునే అభ్యర్థులు పది, పన్నెండో తరగతి ఉత్తీర్ణత సాధించి ఉండాలి. అలాగే సంబంధిత క్రీడాంశంలో అర్హత సాధించి ఉండాలి.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
* అభ్యర్థులను ఇంటర్వ్యూ ఆధారంగా ఎంపిక చేస్తారు.
* పరీక్ష ఫీజుగా రూ. 100 చెల్లించాల్సి ఉంటుంది. ఎస్సీ, ఎస్టీ, ఈఎస్‌ఎం, దివ్యాంగులు, మహిళా అభ్యర్థులకు ఫీజు చెల్లించాల్సిన అవసరం లేదు.
* ఆన్‌లైన్‌ దరఖాస్తుల స్వీకరణకు 22-11-2022ని చివరి తేదీగా నిర్ణయించారు.
* నోటిఫికేషన్‌ కోసం క్లిక్‌ చేయండి..
* పూర్తి వివరాల కోసం క్లిక్‌ చేయండి..
మరిన్ని విద్య, ఉద్యోగ వార్తల కోసం క్లిక్‌ చేయండి..
