VSSC Jobs 2025: ఇస్రో- విక్రమ్ సారాబాయ్ స్సెస్ సెంటర్లో ఉద్యోగాలు.. రాత పరీక్షలేదు
ఇస్రో ఆధ్వర్యంలోని కేరళలోని తిరువనంతపురంలో ఉన్న విక్రమ్ సారాభాయ్ స్పేస్ సెంటర్ (VSSC).. 2025-26 సంవత్సరానికి సంబంధించి గ్రాడ్యుయేట్, టెక్నీషియన్ డిప్లొమా అప్రెంటిస్ ట్రైనీ ఖాళీల భర్తీకి అర్హులైన అభ్యర్ధుల కోసం దరఖాస్తులను అహ్వానిస్తూ నోటిఫికేషన్ విడుదల చేసింది. ఈ నోటిఫికేషన్ కింద..
Updated on: Dec 11, 2025 | 2:39 PM
భారత అంతరిక్ష పరిశోధన సంస్థ (ISRO) ఆధ్వర్యంలోని కేరళలోని తిరువనంతపురంలో ఉన్న విక్రమ్ సారాభాయ్ స్పేస్ సెంటర్ (VSSC).. 2025-26 సంవత్సరానికి సంబంధించి గ్రాడ్యుయేట్, టెక్నీషియన్ డిప్లొమా అప్రెంటిస్ ట్రైనీ ఖాళీల భర్తీకి అర్హులైన అభ్యర్ధుల కోసం దరఖాస్తులను అహ్వానిస్తూ నోటిఫికేషన్ విడుదల చేసింది. ఈ నోటిఫికేషన్ కింద మొత్తం 90 గ్రాడ్యుయేట్, టెక్నీషియన్ డిప్లొమా అప్రెంటిస్ ట్రైనీ ఖాళీలను ఎటాంటి రాత పరీక్షలేకుండానే సెలక్షన్ డ్రైవ్ అంటే ఇంటర్వ్యూల ఆధారంగా ఎంపిక చేయనుంది. మొత్తం పోస్టుల్లో జనరల్ స్ట్రీమ్ (నాన్ ఇంజినీరింగ్) గ్రాడ్యుయేట్ అప్రెంటిస్ పోస్టులు 23, డిప్లొమా టెక్నీషియన్ అప్రెంటిస్ పోస్టులు 67 వరకు ఉన్నాయి. అర్హత కలిగిన అభ్యర్థులు డిసెంబర్ 29, 2025వ తేదీన జరిగే ఎంపిక డ్రైవ్కి నేరుగా హాజరుకావచ్చు..
ఈ పోస్టులకు దరఖాస్తు చేసుకునే అభ్యర్ధులు సంబంధిత విభాగంలో డిప్లొమా, బ్యాచిలర్ డిగ్రీలో ఉత్తీర్ణత పొంది ఉండాలి. చివరి ఏడాది చదువుతున్న అభ్యర్ధులు కూడా దరఖాస్తు చేసుకోవచ్చు. అయితే ఇప్పటికే అప్రెంటిస్ శిక్షణ పొందినవారు మాత్రం దరఖాస్తుకు అనర్హులు. అభ్యర్ధుల వయోపరిమితి డిసెంబర్ 31, 2025 నాటికి 28 ఏళ్లకు మించకూడదు. ఓబీసీలకు మూడేళ్లు, ఎస్సీ, ఎస్టీ అభ్యర్థులకు ఐదేళ్లు, దివ్యాంగ అభ్యర్థులకు పదేళ్ల వరకు వయోపరిమితో సడలింపు ఉంటుంది. ఆసక్తి కలిగిన వారు ముందుగా ఎన్ఏటీ పోర్టల్లో నమోదు చేసుకోవాలి. ఆ తర్వాత దరఖాస్తులను డిసెంబర్ 28, 2025వ తేదీన ఈ కింది అడ్రస్లో జరిగే ఇంటర్వ్యూకు నేరుగా హాజరుకావచ్చు.ఇంటర్వ్యూ జరిగే రోజున దరఖాస్తులను కూడా స్వీకరిస్తారు. ఎలాంటి రాత పరీక్ష ఉండదు. కేవలం విద్యార్హతలు, ఇంటర్వ్యూ ఆధారంగా మాత్రమే తుది ఎంపిక ఉంటుంది. ఎంపికైన వారికి నెలకు గ్రాడ్యుయేట్ ఖాళీలకు రూ.9000, డిప్లొమా టెక్నీషియన్ ఖాళీలకు రూ.8000 చొప్పున స్టైపెండ్ చెల్లిస్తారు.
అడ్రస్
వి.ఎస్.ఎస్.సి గెస్ట్ హౌస్, ఏ.టి.ఎఫ్ ఏరియా, వేలి, వేలి చర్చికి దగ్గర, తిరువనంతపురం జిల్లా, కేరళ.
మరిన్ని విద్యా, ఉద్యోగ కథనాల కోసం క్లిక్ చేయండి.
