DMHO Medak Jobs 2022: మెదక్‌ జిల్లాలోని ప్రభుత్వ ఆసుపత్రుల్లో ఉద్యోగాలకు నోటిఫికేషన్‌.. ఈ అర్హతలుంటే నేరుగా..
తెలంగాణ రాష్ట్ర ప్రభుత్వానికి చెందిన మెదక్‌ జిల్లాలోని వివిధ ప్రభుత్వ ఆసుపత్రుల్లో.. 68 మిడ్‌ లెవెల్‌ హెల్త్‌ ప్రొవైడర్‌ పోస్టుల (Mid level health provider Posts) భర్తీకి అర్హులైన అభ్యర్ధుల నుంచి దరఖాస్తులు కోరుతూ జిల్లా వైద్యారోగ్య శాఖాధికారి కార్యాలయం..
Updated on: Sep 10, 2022 | 10:17 AM
DMHO Medak District MLHP Recruitment 2022: తెలంగాణ రాష్ట్ర ప్రభుత్వానికి చెందిన మెదక్‌ జిల్లాలోని వివిధ ప్రభుత్వ ఆసుపత్రుల్లో.. 68 మిడ్‌ లెవెల్‌ హెల్త్‌ ప్రొవైడర్‌ పోస్టుల (Mid level health provider Posts) భర్తీకి అర్హులైన అభ్యర్ధుల నుంచి దరఖాస్తులు కోరుతూ జిల్లా వైద్యారోగ్య శాఖాధికారి కార్యాలయం నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు ఎంబీబీఎస్‌తోపాటు బీఏఎంఎస్‌, బీఎస్సీ నర్సింగ్‌/జీఎన్‌ఎం కోర్సులో ఉత్తీర్ణత సాధించి ఉండాలి. దరఖాస్తుదారుల వయసు 18 నుంచి 44 ఏళ్ల మధ్య ఉండాలి. ఎస్సీ/ఎస్టీ/బీసీ/ఈడబ్ల్యూఎస్‌ కేటగిరీ అభ్యర్ధులకు ఐదేళ్లు, వికలాంగులకు 10 ఏళ్ల సడలింపు వర్తిస్తుంది. ఈ అర్హతలున్న వారు ఆఫ్‌లైన్‌ విధానంలో సెప్టెంబర్‌ 17, 2022వ తేదీలోపు పోస్టు ద్వారా కింది అడ్రస్‌కు దరఖాస్తులు పంపించవల్సి ఉంటుంది. అకడమిక్‌ మెరిట్‌, రిజర్వేషన్‌, ఇంటర్వ్యూ ఆధారంగా తుది ఎంపిక ఉంటుంది. తుది మెరిట్‌ లిస్ట్‌ అక్టోబర్‌ 3న విడుదల అవుతుంది. ప్రతిభకనబరచిన వారికి నెలకు రూ.29,900ల నుంచి రూ.40,000ల వరకు జీతంగా చెల్లిస్తారు.
అడ్రస్‌: District Medical & Health Office, Medak District, Telangana.
పూర్తి సమాచారం కోసం క్లిక్‌ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
