Jobs: డిగ్రీ లేకున్నా లక్షల్లో జీతాలు.. 2025లో ఈ రంగంలో భారీగా ఉద్యోగ అవకాశాలు..!
ప్రపంచవ్యాప్తంగా ఉన్న కార్పొరేట్ వరల్డ్లో డేటా అనలిటిక్స్ (Data Analysts) రంగంలో మంచి అవకాశాలు ఉన్నాయి. డిమాండ్తో పాటు భారీ ప్యాకేజీల వల్ల ఈ రంగం వైపు యువత ఎక్కువ ఆకర్షితులు అవుతున్నారు. అయితే, హఠాత్తుగా ఈ రంగంలో పెద్ద ఎత్తున అవకాశాలు ఉండటంతో వివిధ కంపెనీలు సంప్రదాయ డిగ్రీ లేకపోయినా సర్టిఫికేషన్, ఆన్లైన్ కోర్సులు, శిక్షణ తీసుకున్నవారిని నియమించుకుంటున్నాయి. అంతేకాకుండా వారికి లక్షల్లో జీతాలు చెల్లిస్తున్నాయి.
Ravi C | Edited By: Janardhan Veluru
Updated on: Dec 21, 2024 | 5:58 PM
ప్రస్తుత డిజిటల్ యుగంలో డేటా అనలిటిక్స్ అధిక డిమాండ్ ఉన్న రంగంగా మారింది. ఆరు అంకెల వేతనాలను(లక్షకు పైగా) అందించే ఈ వృత్తికి సంప్రదాయ డిగ్రీ అవసరం లేదు. ప్రస్తుతం వివిధ కంపెనీల్లో ఎక్కువ నైపుణ్యం ఉన్న ఉద్యోగులు అవసరం భారీగా ఉంది. దీంతో ఆన్లైన్, సర్టిఫికేషన్ కోర్సులు, శిక్షణ పొందిన వారిని కంపెనీలు హైర్ చేసుకుంటున్నాయి. గూగుల్ వైస్ ప్రెసిడెంట్, గ్రో విత్ గూగుల్ ప్రోగ్రామ్ వ్యవస్థాపకురాలు లిసా గెవెల్బర్ కూడా ఇదే చెబుతున్నారు. “డేటాను అర్థం చేసుకుని, ముఖ్యమైన వ్యాపార నిర్ణయాలకు మార్గనిర్దేశం చేసే వ్యక్తులకు భారీగా డిమాండ్ ఉంది” అని ఆమె చెప్పారు.
30 శాతం అధిక అవకాశాలు
సమాజంలో ట్రెండ్లను గుర్తించి, దానికి అనుగుణంగా కార్యాచరణ రూపొందించడంలో డేటా అనలిస్టులు కీలక పాత్ర పోషిస్తారు. Excel, SQL, Tableau వంటి సాఫ్ట్వేర్లను ఉపోయోగించి ఈ నిపుణులు కంపెనీలను మరింత సమర్థంగా నిర్వహించడంతో పాటు విక్రయాలు, వెబ్సైట్ ట్రాఫిక్ వంటి వాటిని బేరీజు వేస్తుంటారు. అమెరికాలోని బ్యూరో ఆఫ్ లేబర్ స్టాటిస్టిక్స్ డేటా అనలిటిక్స్ అండ్ సైన్స్ ప్రకారం డేటా అనలిటిక్స్ సైన్స్ ఉద్యోగాలు వచ్చే దశాబ్దంలో 30 శాతం పెరుగుతాయని అంచనా. ఇది సగటు ఉద్యోగ వృద్ధి రేటు కన్నా మూడు రెట్లు ఎక్కువ. 2024 జూన్ అప్వర్క్ రిపోర్ట్ ప్రకారం ఇటు కంపెనీలు అటు ఉద్యోగులు ఎక్కువగా కోరుకునే నైపుణ్యాల్లో డేటా అనలిటిక్స్ నిలిచింది. దీన్ని బట్టి చూస్తే దాదాపు కంపెనీల్లో ఈ రంగం పాత్ర ఏంటో అర్థమవుతుంది.
తక్కువ ధరలకే కోర్సులు
అయితే, దాదాపు ప్రతి జాబ్కు కనీసంగా డిగ్రీని అర్హతగా ప్రతి కంపెనీ చూస్తోంది. కానీ డేటా అనలిటిక్స్కు వచ్చే సరికి కొత్త ట్రెండ్ను సృష్టిస్తోంది. చాలా కంపెనీలు ఇప్పుడు హైస్కూల్ డిప్లోమా లేదా సర్టిఫికేషన్ ప్రోగ్రామ్లను పూర్తి చేసిన అభ్యర్థులను నియమించుకుంటున్నాయి. ఇందుకోసం గూగుల్ కూడా కొన్ని కోర్సులను ప్రవేశపెట్టింది. గూగుల్ డేటా అనలిటిక్స్ సర్టిఫికేషన్తో పాటు దాని ఇనిషియేటివ్ గ్రో విత్ గూగుల్ ద్వారా నెలకు 49 డాలర్లకే కోర్సు అందుబాటులో ఉంది. ఐబీఎంతో పాటు CompTIAతో సహా ఇతర సంస్థలు కూడా శిక్షణను ఇస్తున్నాయి. ఈ కోర్సుల ద్వారా కోడింగ్, స్ర్పెడ్ షీట్లతో పని చేయడం, డేటాను విశ్లేషించడం వంటి అంశాలను నేర్పిస్తున్నాయి. అంతేకాకుండా ఈ రంగంలో ఏఐ టూల్స్తో అనుసంధానం ద్వారా ఎక్కువ ప్రయోజనం కలుగుతుందని గెవెల్బర్ చెబుతున్నారు.
ఏటా 85 లక్షల జీతం
ఇక జీతం విషయానికి వస్తే.. ఎంట్రీ లెవల్ డేటా అనలిస్టులకు ఏటా 93 వేల డాలర్లు, నిపుణులకు 1.1 లక్షల డాలర్లు లభిస్తున్నాయి. అంతేకాకుండా ఈ రంగంలో వర్క్ ఫ్రమ్ హోమ్ సౌకర్యం కూడా ఎక్కువగానే ఉంటుంది. మాన్యుఫ్యాక్చరింగ్, హెల్త్ కేర్, టెక్నాలజీ, ఫైనాన్స్ వంటి రంగాల్లో డేటా అనలిస్టులకు దాదాపు సంవత్సరానికి 1.5 లక్షల డాలర్లు చెల్లించేందుకు సిద్ధంగా ఉన్నాయి. అంటే దాదాపు భారత కరెన్సీలో 85 లక్షల రూపాయలు. అందుకే యువత ఎక్కువగా ఈ రంగంవైపు మొగ్గు చూపుతున్నారు. 2025 నాటికి ఈ రంగం మరింత వృద్ధి సాధిస్తుందని నిపుణులు అంచనా వేస్తున్నారు.
