Intermediate Exams 2026: ఈసారి ఇంటర్‌ పరీక్షలు రాయనున్న 9.8 లక్షల విద్యార్థులు.. పూర్తి టైం టేబుల్‌ ఇదే

Telangana Intermediate Exams

హైదరాబాద్‌, డిసెంబర్‌ 3: తెలంగాణ రాష్ట్ర వ్యాప్తంగా 2025-26 విద్యా సంవత్సరానికి సంబంధించి ఇంటర్‌ పబ్లిక్‌ పరీక్షలు వచ్చే ఏడాది ఫిబ్రవరి నెలలో ప్రారంభం కానున్న సంగతి తెలిసిందే. ఈ మేరకు ఇంటర్‌ బోర్డు ఇప్పటికే పరీక్షల షెడ్యూల్‌ను కూడా విడుదల చేసింది. ఈ ఏడాది రాష్ట్ర వ్యాప్తంగా మొత్తం 9.8లక్షల మంది విద్యార్థులు పరీక్షలకు హాజరుకానున్నారు. మంగళవారం వరకు 9,79,506 మంది విద్యార్థులు ఫీజు చెల్లించినట్లు ఇంటర్‌ బోర్డు వెల్లడించింది. వార్షిక పరీక్షలు 2026 ఫిబ్రవరి 25 నుంచి మార్చి 17 వరకు జరుగనున్నాయి.

ఇంగ్లిష్‌ ప్రాక్టికల్‌ పరీక్షకు రూ.100 ఫీజును బోర్డు వసూలు చేస్తుంది. ఫస్ట్‌ ఇయర్‌ జనరల్‌ కోర్సుల విద్యార్థులు రూ.630, ఒకేషనల్‌ విద్యార్థులు రూ.870 చొప్పున చెల్లించవల్సి ఉంటుంది. ఇక సెకండ్ ఇయర్‌ ఆర్ట్స్‌కు రూ.630, సైన్స్, ఒకేషనల్‌ విద్యార్ధులు రూ.870 చొప్పున చెల్లించవల్సి ఉంటుంది. రూ.2 వేల ఆలస్య రుసుంతో డిసెంబరు 15 వరకు ఫీజు చెల్లించేందుకు అవకాశం ఉంటుంది.

ఇంటర్ ఫస్ట్ ఇయర్ పబ్లిక్‌ పరీక్షల టైం టేబుల్ 2026..

• ఫిబ్రవరి 25న పార్ట్ 1 (సెకండ్ లాంగ్వేజ్ 1) పరీక్ష
• ఫిబ్రవరి 27న పార్ట్ 2 ఇంగ్లీష్ పేపర్ 1 పరీక్ష
• మార్చి 2న మ్యాథ్స్ 1ఏ, బోటనీ, పొలిటికల్ సైన్స్ పరీక్ష
• మార్చి 5న మ్యాథ్య్ పేపర్ 1బీ, జువాలజీ, హిస్టరీ 1 పరీక్ష
• మార్చి 9న ఫిజిక్స్, ఎకానమిక్స్ 1 పరీక్ష
• మార్చి 3న కెమిస్ట్రీ, కామర్స్ పరీక్ష
• మార్చి 17న మోడ్రన్ లాంగ్వేజ్ పేపర్ 1, జియోగ్రఫ్రీ 1 పరీక్ష

ఇంటర్ సెకండ్‌ ఇయర్ పబ్లిక్‌ పరీక్షల టైం టేబుల్ 2026..

• ఫిబ్రవరి 26: పార్ట్ 2 (సెకండ్ లాంగ్వేజ్ 2) పరీక్ష
• ఫిబ్రవరి 28: పార్ట్ 1 – ఇంగ్లీష్ పేపర్ 2 పరీక్ష
• మార్చి 3: మ్యాథ్స్ 2ఏ, బోటనీ, పొలిటికల్ సైన్స్ 2 పరీక్ష
• మార్చి 6: మ్యాథ్య్ పేపర్ 2బీ, జువాలజీ, హిస్టరీ 2 పరీక్ష
• మార్చి 10: ఫిజిక్స్, ఎకానమిక్స్ 2 పరీక్ష
• మార్చి 13: కెమిస్ట్రీ, కామర్స్ 2 పరీక్ష
• మార్చి 16: పబ్లిక్ అడ్మినిస్ట్రేషన్, బ్రిడ్జి కోర్సు మ్యాథ్స్ 2 పరీక్ష
• మార్చి 18: మోడ్రన్ లాంగ్వేజ్ పేపర్ 1, జియోగ్రఫ్రీ 1 పరీక్ష

మరిన్ని విద్యా, ఉద్యోగ కథనాల కోసం క్లిక్‌ చేయండి.