Refrigerator, Washing Machine: ఈ ప్రసిద్ధ కంపెనీ సంచలన నిర్ణయం.. ఇక రిఫ్రిజిరేటర్లు, వాషింగ్ మెషీన్లు ఉండవు!

Refrigerator Washing Machine: ఇప్పుడు మీరు భారతదేశంలో పానాసోనిక్ ఫ్రిజ్‌లు, వాషింగ్ మెషీన్‌లను పొందలేరు. ఎందుకంటే ఈ కంపెనీ భారత మార్కెట్ నుండి నిష్క్రమిస్తున్నట్లు తెలిపింది. అయితే కంపెనీ మిగిలిన ఉత్పత్తులు అందుబాటులోనే ఉంటాయి. కంపెనీ ఈ నిర్ణయం ఉద్యోగులకు బ్యాడ్‌ న్యూస్‌ అనే చెప్పాలి. కానీ ఈ వార్త తర్వాత రెండు కంపెనీల షేర్లు పెరిగాయి. దాని ప్రత్యర్థి ఎలక్ట్రానిక్స్ కంపెనీలు వర్ల్‌పూల్, వోల్టాస్ జూన్ 26న మంచి పెరుగుదలను చూశాయి.

రిఫ్రిజిరేటర్, వాషింగ్ మెషిన్ విభాగంలో మంచి పట్టు సాధించలేకపోవడంతో జపాన్ కంపెనీ పానాసోనిక్ భారతదేశంలో తన కన్స్యూమర్ ఎలక్ట్రానిక్స్ వ్యాపారాన్ని తగ్గిస్తున్నట్లు తెలుస్తోంది. భారతదేశంలో ఈ రెండు ఉత్పత్తి వర్గాల (రిఫ్రిజిరేటర్లు, వాషింగ్ మెషీన్లు) నుండి తాము నిష్క్రమిస్తున్నట్లు పానాసోనిక్ ప్రతినిధి ధృవీకరించారు. నివేదిక ప్రకారం.. హర్యానాలోని ఝజ్జర్‌లోని తన కర్మాగారంలో ఈ ఉత్పత్తుల ఉత్పత్తిని కంపెనీ నిలిపివేస్తోంది. ప్రస్తుతం ఈ కర్మాగారం ఇతర బ్రాండ్‌లకు కాంట్రాక్ట్ తయారీని చేస్తోంది.

ఇది కూడా చదవండి: Gold Price: భారీగా పతనమవుతున్న బంగారం ధరలు.. తులంపై ఎంత తగ్గిందో తెలుసా..?

ఇవి కూడా చదవండి

భారీగా పతనమవుతున్న బంగారం ధరలు.. తులంపై ఎంత తగ్గిందో తెలుసా..?

ఇజ్రాయెల్‌లో అత్యంత ధనవంతుడు ఎవరు? భారత్‌తో సంబంధాలు ఏంటి?

క్రెడిట్ కార్డ్ వినియోగదారుడు మరణిస్తే బకాయి ఎవరు చెల్లిస్తారు?

ఈ రైతులకు పీఎం కిసాన్‌ నిధులను నిలిపివేయనున్న కేందం

మా గ్లోబల్ వ్యూహం, మార్కెట్‌కు అనుగుణంగా తాము ఇప్పుడు భారతదేశంలో హోమ్ ఆటోమేషన్, ఎయిర్ కండిషనర్లు (AC), బిజినెస్-టు-బిజినెస్ సొల్యూషన్స్, ఎలక్ట్రికల్, ఎనర్జీ సొల్యూషన్స్ వంటి వృద్ధి విభాగాలపై దృష్టి పెడతాము. మిగిలిన ఇన్వెంటరీని క్లియర్ చేయడానికి డీలర్లకు సహాయం చేస్తాము. అలాగే కస్టమర్లకు వారంటీ, సర్వీస్ సపోర్ట్‌ను అందిస్తూనే ఉంటామని పానసోనిక్ ప్రతినిధి ఒకరు తెలిపారు.

చాలా మంది ఉద్యోగాలు కోల్పోవడం ఖాయం:

కంపెనీ నిర్ణయం కారణంగా కంపెనీ పెద్ద సంఖ్యలో ఉద్యోగాలను కోల్పోతుందని, ఇది రెండంకెలలో ఉండవచ్చని నివేదిక పేర్కొంది. దీని తర్వాత కూడా పానాసోనిక్ భారతదేశంలోని టీవీ, ఏసీ, ఇతర విభాగాలలో పనిచేస్తూనే ఉంటుంది. ఉద్యోగాలు కోల్పోయే ఉద్యోగులకు సహాయం చేస్తామని కూడా కంపెనీ హామీ ఇచ్చింది.

పానాసోనిక్ భారతదేశంలో ఏం విక్రయిస్తుంది?

పానసోనిక్ భారతదేశంలో విస్తృత శ్రేణి ఎలక్ట్రానిక్స్, గృహోపకరణాలను విక్రయిస్తుంది. ప్రస్తుతానికి ఉత్పత్తుల జాబితాలో రిఫ్రిజిరేటర్లు, వాషింగ్ మెషీన్లు, ఎయిర్ కండిషనర్లు, మైక్రోవేవ్ ఓవెన్లు, వాటర్ ప్యూరిఫైయర్లు, మిక్సర్ గ్రైండర్లు, ఎలక్ట్రిక్ కుక్కర్లు వంటి వంటగది ఉపకరణాలు ఉన్నాయి. దీనితో పాటు కంపెనీ టీవీలు, హెడ్‌ఫోన్‌లు, హోమ్ థియేటర్ సిస్టమ్‌లు, కెమెరాలను కూడా విక్రయిస్తుంది. వ్యక్తిగత సంరక్షణ కోసం ఎలక్ట్రిక్ షేవర్లు, హెయిర్ డ్రైయర్లు, టూత్ బ్రష్‌లు వంటి ఉత్పత్తులు కూడా అందుబాటులో ఉన్నాయి. పానసోనిక్ సోలార్ ప్యానెల్‌లు, ఇన్వర్టర్లు, బ్యాటరీలు, కార్ ఉపకరణాలు వంటి వాటిని కూడా అందిస్తుంది. వ్యాపారాల కోసం ప్రొజెక్టర్లు, టెలిఫోన్ సిస్టమ్‌లు, భద్రతా కెమెరాలు వంటివి కూడా అందుబాటులో ఉన్నాయి. ఈ ఉత్పత్తులన్నింటినీ ఆన్‌లైన్‌లో, దుకాణాల ద్వారా కొనుగోలు చేయవచ్చు.

పానసోనిక్ అనేది ఒసాకా (జపాన్)లో ప్రధాన కార్యాలయం కలిగిన జపనీస్ కంపెనీ. దీనిని 1918లో కోనోసుకే మత్సుషిత స్థాపించారు. ప్రారంభంలో ఈ కంపెనీ లైటింగ్ పరికరాలను తయారు చేసేది. కానీ తరువాత ఎలక్ట్రానిక్స్, గృహోపకరణాలను తయారు చేయడం ప్రారంభించింది. పానసోనిక్ 1970లలో భారతదేశంలోకి ప్రవేశించింది. కానీ 2000 తర్వాత ఇక్కడ తన బలమైన ఉనికిని చాటుకుంది. పానసోనిక్ ఇండియా ప్రైవేట్ లిమిటెడ్ 2012లో స్థాపించింది. ఆ తర్వాత భారతదేశంలో తన ఉత్పత్తులు, సేవలను వేగంగా విస్తరించింది.

ఇది కూడా చదవండి: School Holidays: భారీ వర్షాలు.. పాఠశాలలకు సెలవులు ప్రకటించిన అధికారులు!

ఇది కూడా చదవండి: School Bags: జపాన్‌లో స్కూల్‌ బ్యాగుల ధరలు భారీగా ఎందుకు ఉంటాయి? ఒక్కో బ్యాగు ధర రూ.18 వేల నుంచి రూ.60 వేలు

మరిన్ని బిజినెస్ వార్తల కోసం ఇక్కడ క్లిక్ చేయండి..