Budget 2026: రిటైర్డ్‌ ఉద్యోగులకు గుడ్‌న్యూస్‌ చెప్పనున్న నిర్మలమ్మ! లక్షలాది మందికి ప్రయోజనం..

Union Budget 2026

మరికొన్ని రోజుల్లో కేంద్ర ఆర్థిక మంత్రి నిర్మలా సీతారామన్‌ పార్లమెంట్‌లో కేంద్ర బడ్జెట్‌ 2026ను ప్రవేశ పెట్టనున్నారు. ఈ బడ్జెట్‌పై యావత్‌ దేశం ఎన్నో ఆశలు పెట్టుకుంది. ఈ క్రమంలోనే రిటైర్డ్‌ ఉద్యోగులు సైతం తమకు కూడా ఈ సారి బడ్జెట్‌లో మేలు జరుగుతుందని గంపెడు ఆశతో ఉన్నారు. ద్రవ్యోల్బణం రోజువారీ జీవితంలో ఒక అనివార్యమైన అంశంగా ఉండటంతో, రిటైర్డ్ ఉద్యోగులు కేంద్ర బడ్జెట్‌కు ముందు తమ పెన్షన్ల గురించి ఆందోళన చెందుతూనే ఉన్నారు. వారి సర్వీస్ తర్వాత పెన్షనర్లు తమ ఖర్చులను భరించగలిగే మొత్తాన్ని పొందుతారని ఆశిస్తున్నారు. దీంతో ప్రభుత్వం సైతం కనీస పెన్షన్ పెంచాలనే దీర్ఘకాలంగా పెండింగ్‌లో ఉన్న డిమాండ్‌ను ఆమోదించడానికి పరిశీలన చేస్తోంది.

ఉద్యోగుల ప్రావిడెంట్ ఫండ్ ఆర్గనైజేషన్ (EPFO)తో లింక్‌ అయి ఉన్న పెన్షనర్లకు ఒక ప్రధాన ప్రకటన బడ్జెట్‌లో లేదా ఆ తర్వాత త్వరలో వెలువడే అవకాశం ఉందని సమాచారం. ప్రస్తుత పరిస్థితిలో EPFO ​​పరిధిలోకి వచ్చే ఉద్యోగులు నెలకు కనీసం రూ.1,000 పెన్షన్ పొందుతారు. గత 11 సంవత్సరాలుగా ఈ మొత్తాన్ని పెంచలేదు, అయితే ద్రవ్యోల్బణం గణనీయంగా పెరిగింది. ప్రస్తుత ఆర్థిక వాతావరణంలో రూ.1,000 పెన్షన్ పూర్తిగా సరిపోదని ఉద్యోగి సంస్థలు క్రమం తప్పకుండా తమ ఆందోళనలను వ్యక్తం చేస్తున్నాయి.

జనవరి 6న కేంద్ర కార్మిక, ఉపాధి మంత్రితో జరిగిన సమావేశంలో భారతీయ మజ్దూర్ సంఘ్ (BMS) ప్రతినిధి బృందం కనీస పెన్షన్‌ను పెంచాలనే డిమాండ్‌ను బలంగా ముందుకు తెచ్చింది. ఇతర ఉద్యోగి సంస్థలు కూడా కనీస పెన్షన్‌ను నెలకు రూ.7,000 నుండి రూ.10,000కి పెంచాలనే డిమాండ్‌ను బలంగా వినిపిస్తున్నాయి.

సుప్రీం కోర్టులో కేసు

కనీస పెన్షన్ కు సంబంధించిన అంశం ప్రస్తుతం సుప్రీం కోర్టు పరిశీలనలో ఉంది. అందువల్ల ప్రభుత్వం ఈ విషయంలో ఒక నిర్దిష్ట నిర్ణయం తీసుకునే అవకాశం ఉంది. నిపుణుల అభిప్రాయం ప్రకారం ఈ బడ్జెట్ పెన్షనర్ల దీర్ఘకాలంగా పెండింగ్‌లో ఉన్న ఈ డిమాండ్‌కు ఒక పరిష్కారం చూపే అవకాశం ఉంది. అలాగే EPFO ​​కూడా తన సేవలను మరింత అందుబాటులోకి తీసుకురావడానికి కృషి చేస్తోంది. పెన్షన్, PF క్లెయిమ్‌లు, ఖాతా లింకింగ్, ఇతర ప్రక్రియలలో సభ్యులకు సహాయం చేయడానికి ‘ఫెసిలిటేషన్ అసిస్టెంట్‌లను’ నియమించాలని యోచిస్తోంది. ఈ సహాయకులు నిర్ణీత రుసుముకు బదులుగా సభ్యులకు సేవలను అందిస్తారు, తద్వారా వృద్ధ పెన్షనర్లు పదే పదే కార్యాలయాలకు వెళ్లాల్సిన అవసరం ఉండదు.

మరిన్ని బిజినెస్‌ వార్తల కోసం ఇక్కడ క్లిక్‌ చేయండి