Income tax: పన్ను చెల్లింపుదారులూ.. మీ పన్ను ఆదా చేసుకోవాలనుకొంటున్నారా? ఈ తప్పులు సరిదిద్దుకోండి..
ఆదాయపు పన్ను దాఖలు అనేది సంక్లిష్టమైన ప్రక్రియ. దీనిపై సరైన అవగాహన లేకనే పన్ను చెల్లింపుదారులు తరచుగా తప్పులు చేస్తారు. ముఖ్యమైన తగ్గింపులు, మినహాయింపులను కోల్పోతారు. తద్వారా వారికి గణనీయమైన మొత్తంలో ఆదా కావాల్సిన డబ్బు అందకుండా పోతుంది.
వ్యక్తుల ఆర్థిక ప్రణాళికలో పన్నులకు సంబంధించిన ప్లానింగ్ కూడా చాలా ముఖ్యం. ఎవరైనా తమ ఆర్థిక లక్ష్యాలను చేరుకోవడానికి కచ్చితమైన పన్ను ప్రణాళిక కూడా అవసరం. సకాలంలో పన్నులు చెల్లించడం, పన్ను మినహాయింపులను సద్వినియోగం చేసుకోవడం, పన్ను మినహాయింపులు అందించే వివిధ పథకాలలో పెట్టుబడులు పెట్టడం, వాటిని క్లయిమ్ చేసుకోవడం వంటి వాటిపై సరైన ప్రణాళికతో ముందుకెళ్లాలి.
తప్పులు చేయొద్దు.. ఆదాయపు పన్ను దాఖలు అనేది సంక్లిష్టమైన ప్రక్రియ. దీని ఫలితంగా పన్ను చెల్లింపుదారులు తరచుగా తప్పులు చేస్తారు. ముఖ్యమైన తగ్గింపులు, మినహాయింపులను కోల్పోతారు. తద్వారా వారికి గణనీయమైన మొత్తంలో ఆదా కావాల్సిన డబ్బు అందకుండా పోతుంది. ఈ నేపథ్యంలో పన్ను చెల్లింపుదారులు తప్పనిసరిగా కొన్ని విషయాలపై అవగాహన పెంచుకోవాలి. కొన్నింటిని తప్పనిసరిగా నివారించాలి. అవేంటో ఓసారి చూద్దాం..
పన్ను తగ్గింపులు వినియోగించుకోవాలి.. పన్ను చెల్లింపుదారులు కొన్నిసార్లు వారికి అందించిన తగ్గింపుల ప్రయోజనాన్ని కోల్పోతారు. ఈ తగ్గింపులు పెట్టుబడులు, బీమా, గృహ రుణాలతో సహా వివిధ వర్గాలకు అందుబాటులో ఉంటాయి. అందుబాటులో ఉన్న తగ్గింపుల జాబితాను పరిశీలించి, మీరు వాటిని పూర్తిగా ఉపయోగించుకోవడం చాలా ముఖ్యం.
పన్ను మినహాయింపు కూడా.. పన్ను మినహాయింపుల గురించి చాలామందికి తెలియదు. అందువల్ల వాటి ప్రయోజనాలు పొందలేకపోతున్నారు. అందుబాటులో ఉన్న మినహాయింపుల జాబితాను పరిశీలించాలి. వాటిని పూర్తిగా సద్వినియోగం చేసుకోవాలి.
80సీ ప్రయోజనాన్ని వదులుకోవద్దు.. ప్రభుత్వం పౌరులకు వివిధ పన్ను మినహాయింపులను అందిస్తుంది. ఆదాయ పన్ను చట్టంలోని సెక్షన్ 80సీ అనేది అత్యంత సాధారణ మినహాయింప., ఇది ప్రతి సంవత్సరం గరిష్టంగా రూ.1.5 లక్షల వరకు తగ్గింపును అనుమతిస్తుంది. 80సీ కింద అందుబాటులో ఉన్న వివిధ తగ్గింపులు మరియు మినహాయింపుల గురించి తెలుసుకొని, వాటిని వాడాలి.
పన్ను రాయితీని వదలుకోవద్దు.. పన్ను రాయితీలు భారతీయ పౌరులకు అందుబాటులో ఉన్న మరో ముఖ్యమైన మార్గం. పన్ను పరిధిలోకి వచ్చే ఆదాయం నుండి పలు రాయితీల ద్వారా డబ్బును ఆదా చేసుకోవచ్చు. వీటి గురించి తెలుసుకొని, వినియోగించుకోవాలి.
హెచ్ఆర్ఏ క్లెయిమ్ చేయండి.. పన్ను ఆదా చేసుకునేందుకు మరో ముఖ్యమైన మార్గం హెచ్ఆర్ఏ లేదా ఇంటి అద్దె అలవెన్స్. హెచ్ఆర్ఏ అనేది ఉద్యోగులకు వారి అద్దె ఖర్చులను కవర్ చేయడానికి వారి యజమానులు ఇచ్చే స్టైఫండ్. హెచ్ఆర్ఏని నియంత్రించే నియమాలు, నిబంధనలను తెలుసుకోవాలి.
రికార్డులు మెయింటేన్ చేయండి.. కచ్చితమైన రికార్డులను ఉంచడం అనేది పన్ను ప్రణాళికలో ముఖ్యమైన భాగం. అందుబాటులో ఉన్న వివిధ పన్ను-పొదుపు ఎంపికల నుంచి పూర్తిగా ప్రయోజనం పొందడానికి అన్ని పెట్టుబడులు, తగ్గింపులు, మినహాయింపులు మొదలైన వాటిపై దృష్టి పెట్టండి.
మరిన్ని బిజినెస్ వార్తల కోసం ఇక్కడ క్లిక్ చేయండి..
