New Rules from November : బ్యాంకుల రూల్స్ నుంచి గ్యాస్ వరకూ నవంబర్ ఒకటో తేదీ నుంచి వచ్చే మార్పులు ఇవే..గమనించండి!
ఇక అక్టోబర్ నెల ముగియనుంది. సోమవారం నుంచి నవంబర్ నెల ప్రారంభం కానుంది. కొత్త నెలలో చాలా విషయాలు మారతాయి. వాటిలో చాలా మీ జీవితంపై ప్రత్యక్ష ప్రభావాన్ని చూపుతాయి.
New Rules from November : ఇక అక్టోబర్ నెల ముగియనుంది. సోమవారం నుంచి నవంబర్ నెల ప్రారంభం కానుంది. కొత్త నెలలో చాలా విషయాలు మారతాయి. వాటిలో చాలా మీ జీవితంపై ప్రత్యక్ష ప్రభావాన్ని చూపుతాయి. ఈ విషయాలు మీ జేబును కూడా ప్రభావితం చేస్తాయి. మీ రోజువారీ కార్యకలాపాలను కూడా ప్రభావితం చేస్తాయి. నవంబర్ 1 నుండి మారబోతున్న అలాంటి కొన్ని విషయాలను చూద్దాం.
గ్యాస్ సిలిండర్ ధర
వంట గ్యాస్ (LPG) సిలిండర్ ధర నవంబర్ 1 నుండి మారుతుందని భావిస్తున్నారు. ఎల్పీజీ ధరలను పెంచే అవకాశం ఉందని భావిస్తున్నారు. పిటిఐ నివేదిక ప్రకారం, ఎల్‌పిజి అమ్మకంపై నష్టాన్ని దృష్టిలో ఉంచుకుని, ప్రభుత్వం మరోసారి ఎల్‌పిజి సిలిండర్ల ధరలను పెంచే అవకాశం ఉంది. ఇదే జరిగితే, అన్ని కేటగిరీల్లో ఎల్‌పిజి ధరలు పెరగడం ఇది ఐదవసారి అవుతుంది.
అమెరికన్ ప్రయాణ మార్గదర్శకాలు
నవంబర్‌లో అమెరికా వెళ్లేందుకు మార్గదర్శకాలు కూడా మారనున్నాయి. ఇప్పుడు అత్యవసర ఉపయోగం కోసం ప్రపంచ ఆరోగ్య సంస్థ ద్వారా వ్యాక్సిన్‌ను ఆమోదించిన విదేశీ పౌరులు మాత్రమే అమెరికా ప్రయాణానికి విమానం ఎక్కగలరు. ఈ నిబంధనల ప్రకారం, టీకాలు వేయని వ్యక్తులు యూఎస్ లోకి ప్రవేశించడం కష్టం.
బ్యాంకు సెలవులు
ఇది కాకుండా, నవంబర్‌లో చాలా రోజుల పాటు బ్యాంకులు మూతబడి ఉంటాయి. నవంబర్‌లో దాదాపు 17 రోజుల పాటు బ్యాంకులు మూతపడనున్నాయి. ఈ సెలవుల్లో రెండవ , నాల్గవ శనివారాలు అలాగే ఆదివారాలు కూడా ఉన్నాయి. నవంబర్‌లో బ్యాంకుకు సంబంధించిన ముఖ్యమైన పనులు పూర్తి చేయాల్సిన వారు సెలవుల జాబితాను చూసి ముందుగానే తమ పనిని ప్లాన్ చేసుకోవాలి. అందువల్ల, మీకు బ్యాంక్‌కు సంబంధించిన ఏదైనా ముఖ్యమైన పని ఉంటే, దానిని ముందుగానే పరిష్కరించుకోండి.
ఢిల్లీలో పాఠశాలలు తెరుచుకోనున్నాయి
నవంబర్ 1 నుండి దేశ రాజధానిలో అన్ని పాఠశాలలు, విద్యా సంస్థలు తెరవడానికి అనుమతి ఇచ్చారు. ఆన్‌లైన్ చదువును కొనసాగించాలనుకునే వారు అలా చేయవచ్చని ఢిల్లీ ఉప ముఖ్యమంత్రి మనీష్ సిసోడియా తెలిపారు. కరోనా కేసులు తగ్గుముఖం పట్టడంతో ఈ నిర్ణయం తీసుకున్నట్లు ఢిల్లీ ఉప ముఖ్యమంత్రి మనీష్ సిసోడియా తెలిపారు.
వాట్సప్ (WhatsApp) ఆగిపోతుంది..
కొన్ని ఐఫోన్, ఆండ్రాయిడ్ ఫోన్లలో నవంబర్ 1 నుంచి వాట్సాప్ పనిచేయడం ఆగిపోతుంది. వాట్సప్ (WhatsApp) అందించిన సమాచారం ప్రకారం, నవంబర్ 1 నుండి, ఫేస్ బుక్ యాజమాన్యంలోని ఈ సోషల్ మీడియా ప్లాట్‌ఫారమ్ Android 4.0.3 Ice Cream Sandwich, iOS 9, KaiOS 2.5.0కి మద్దతు ఇవ్వదు. ఇది సపోర్ట్ చేయని స్మార్ట్‌ఫోన్‌లలో Samsung, ZTE, Huawei, Sony, Alcatel మొదలైనవి బ్రాండ్లు ఉన్నాయి.
వీడియో కాల్ ద్వారా లైఫ్ సర్టిఫికేట్ సమర్పించడానికి SBI సౌకర్యం
దేశంలోని అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) నవంబర్ 1 నుండి కొత్త సదుపాయాన్ని ప్రారంభించబోతోంది. ఇప్పుడు పెన్షనర్లు తమ లైఫ్ సర్టిఫికేట్ అంటే SBIలో లైఫ్ సర్టిఫికేట్‌ను ఇంట్లో కూర్చొని వీడియో కాల్ ద్వారా సమర్పించవచ్చు. లైఫ్ సర్టిఫికేట్ పెన్షనర్ సజీవంగా ఉన్నట్లు రుజువు. పింఛను కొనసాగించడానికి, ప్రతి సంవత్సరం పెన్షన్ వచ్చే బ్యాంకు, పోస్టాఫీసు లేదా ఆర్థిక సంస్థలో ఈ సర్టిఫికేట్ ను సమర్పించాల్సి ఉంటుంది.
ఇవి కూడా చదవండి: Solar Flare: సూర్యునిలో పేలుడు.. సౌర తుపానుగా భూమిపైకి.. కమ్యూనికేషన్లపై కనిపించనున్న ఎఫెక్ట్!
Microsoft: ఆపిల్‌ను వెనక్కి నెట్టేసిన మైక్రోసాఫ్ట్.. ప్రపంచంలోనే అత్యంత విలువైన కంపెనీ!
By Polls 2021: దేశవ్యాప్తంగా 13 రాష్ట్రాల్లో 29 అసెంబ్లీ.. 3 లోక్‌సభ స్థానాలకు ఉప ఎన్నికలు ఈరోజే..