IT Rules: వివాహ బహుమతులపై పన్ను ఉంటుందా..? నిబంధనలు ఏం చెబుతున్నాయి?
చాలా మంది వధూవరులు లక్షల రూపాయల విలువైన కానుకలు లేదా నగదు, కార్లు, ఆస్తిని కట్నంగా, కానుకగా ఇస్తారు. మరి ఆర్థిక సంవత్సరం చివరిలో ఇలాంటి లావాదేవీలు జరిగితే వీటిపై ఎంత పన్ను చెల్లించాలనే ప్రశ్న సహజంగానే తలెత్తుతుంది. పెళ్లి సమయంలో బంధువు లేదా తల్లిదండ్రులు వధువు లేదా వరుడికి బహుమతిగా ఇస్తే, దానికి ఆదాయపు పన్ను మినహాయింపు ఉంటుంది. ఇందులో బంగారంతో పాటు..
ఇప్పుడు పెళ్లిళ్ల సీజన్ నడుస్తోంది. జనవరి నుంచి జులై వరకు దేశవ్యాప్తంగా 45 లక్షల పెళ్లిళ్లు జరుగుతాయని అంచనా. సాధారణంగా పెళ్లికి చాలా డబ్బు ఖర్చవుతుంది. నేటికీ చాలా మంది వధూవరులు లక్షల రూపాయల విలువైన కానుకలు లేదా నగదు, కార్లు, ఆస్తిని కట్నంగా, కానుకగా ఇస్తారు. మరి ఆర్థిక సంవత్సరం చివరిలో ఇలాంటి లావాదేవీలు జరిగితే వీటిపై ఎంత పన్ను చెల్లించాలనే ప్రశ్న సహజంగానే తలెత్తుతుంది.
పెళ్లి సమయంలో బంధువు లేదా తల్లిదండ్రులు వధువు లేదా వరుడికి బహుమతిగా ఇస్తే, దానికి ఆదాయపు పన్ను మినహాయింపు ఉంటుంది. ఇందులో బంగారంతో పాటు భూమి, ఫర్నీచర్, ఎలక్ట్రానిక్స్ వంటి వస్తువులు, బహుమతులుగా ఇచ్చే ఇతర రకాల వస్తువులు ఉంటాయి.
బహుమతి పరిమితి ఉందా?
వివాహ బహుమతుల విలువపై పరిమితి లేదు. వధూవరులకు ఎవరైనా ఎంత విలువైన బహుమతులు ఇవ్వవచ్చు. ఇది పూర్తిగా పన్ను రహితం. అయితే, బహుమతికి సంబంధించిన ఆధారాలు తప్పనిసరిగా ఆదాయపు పన్ను శాఖకు తెలియజేయాలి.
పెళ్లి తర్వాత బహుమతిగా స్వీకరించిన బంగారంపై ఎలాంటి పన్ను విధిస్తారు?
ఆదాయపు పన్ను నిబంధనల ప్రకారం.. వివాహానంతరం స్త్రీకి ఏదైనా బంగారు ఆభరణాలను ఆమె భర్త, సోదరుడు, సోదరి లేదా ఆమె తల్లిదండ్రులు గానీ, మామగారు, అత్తగారు బహుమతిగా ఇస్తే, దానికి పన్ను మినహాయింపు ఉంటుంది.
మీరు నగదు రూపంలో ఎంత చేయవచ్చు?
పన్ను నిపుణుడు బల్వంత్ జైన్ ప్రకారం.. ఆదాయపు పన్ను చట్టంలోని నిబంధనల ప్రకారం.. ఒక వ్యక్తి ఒక రోజులో రూ. 2 లక్షల కంటే ఎక్కువ నగదును విత్‌డ్రా చేయలేరు. కొత్తగా పెళ్లయిన జంటకు ఇచ్చే బహుమతి విలువ రూ. 50,000 అయితే, దానిపై పన్ను విధించబడదు.
మరిన్ని బిజినెస్ వార్తల కోసం ఇక్కడ క్లిక్ చేయండి