PM Kisan: రైతులకు శుభవార్త.. పీఎం కిసాన్‌ 19వ విడత వచ్చేది ఎప్పుడో తెలుసా..?

రైతులకు ఆర్థిక సహాయం అందించేందుకు ప్రధాన మంత్రి పీఎం కిసాన్‌ స్కీమ్‌ను తీసుకువచ్చారు. దీనిని ప్రధాని మోడీ ప్రారంభించారు. ఈ పథకం ద్వారా ఏడాదికి రూ.6 వేల చొప్పున రైతులకు అందిస్తోంది కేంద్రం. ఈ డబ్బులు ఒకే సారి కాకుండా ఏడాదిలో మూడు విడతల్లో రైతుల ఖాతాలో జమ చేస్తోంది. ఈ సందర్భంలో పథకం 18వ విడత 5 అక్టోబర్ 2024న అందించగా, ఇప్పుడు 19వ విడత కోసం రైతులు ఎదురు చూస్తున్నారు. దీంతో తదుపరి టర్మ్ ఫిబ్రవరి మొదటి వారంలో వచ్చే అవకాశం కనిపిస్తోంది.

ఇది కూడా చదవండి: School Holidays: విద్యార్థులకు గుడ్‌న్యూస్‌.. జనవరి 1 నుంచి 15 వరకు పాఠశాలలకు సెలవులు: ఉత్తర్వులు జారీ!

పీఎం కిసాన్‌ కోసం దరఖాస్తు చేయడం ఎలా?

• పథకం అధికారిక వెబ్‌సైట్ pmkisan.gov.inకి వెళ్లండి.
• కొత్త రైతు నమోదు చేసుకునే ఆప్షన్‌పై క్లిక్ చేయండి.
• అక్కడ అడిగిన వివరాలను పూరించండి. బ్యాంక్ ఖాతాకు సంబంధించిన సమాచారాన్ని కూడా అందించండి.
• తర్వాత మీ మొబైల్‌ నంబర్‌కు OTP వస్తుంది. దానిని ఎంటర్ చేసి సబ్మిట్‌ చేయండి.

మొబైల్ నంబర్‌ను ఎలా లింక్ చేయాలి?

పీఎం కిసాన్‌ స్కీమ్‌లో పలువురు రైతులు మొబైల్‌ నంబర్‌ను లింక్‌ చేయకపోవడంతో డబ్బులు ఆగిపోయిన సందర్భాలు ఉన్నాయి. ఈ పథకంలో వారు తమ సెల్ ఫోన్ నంబర్‌ను లింక్‌ చేయడం తప్పనిసరి. మీరు ఇంట్లోనే ఉండి మీ మొబైల్‌ నంబర్‌ను నమోదు చేసుకోవచ్చు.

• ముందుగా pmkisan.gov.in కు లాగిన్ అవ్వండి.
• ఫార్మర్స్ కార్నర్‌పై క్లిక్ చేయండి. అందులో మొబైల్‌ని అప్‌డేట్ చేయండి
• నంబర్‌పై క్లిక్ చేయండి.
• ఆధార్ కార్డు వివరాలను అందించి OTP పొందండి. తర్వాత OTP సమాచారాన్ని నమోదు చేసి, ఎంటర్ బటన్‌ను నొక్కండి.
• ఇందులో మీ సెల్ ఫోన్ నంబర్ అప్‌డేట్ అవుతుంది. అదేవిధంగా పథకం లబ్ధిదారుల సమాచారం గురించి సులభంగా తెలుసుకోవచ్చు.

డబ్బులు వచ్చాయా? లేదా తెలుసుకోవడం ఎలా?

• ముందుగా pmkisan.gov.in కి వెళ్లండి.
• ఫార్మర్స్ కార్నర్ పేజీకి వెళ్లి బెనిఫిషియరీ స్టేటస్‌పై క్లిక్ చేయండి.
• ఆధార్ కార్డ్ నంబర్ లేదా ఖాతా నంబర్‌ను నమోదు చేయండి.
• చెల్లింపు చరిత్రపై క్లిక్ చేయడం ద్వారా, వినియోగదారులు స్థితిని తెలుసుకోవచ్చు.

ఇది కూడా చదవండి: Anil Ambani: అనిల్‌ అంబానీ లగ్జరీ ఇల్లు గురించి మీకు తెలుసా..? దాని విలువ ఎంతంటే..

మరిన్ని బిజినెస్ వార్తల కోసం ఇక్కడ క్లిక్ చేయండి