Plastic Notes: ఇక ATMల నుంచి ప్లాస్టిక్ నోట్లు! RBI బిగ్ ప్లాన్.. ఎప్పుడు వస్తాయో తెలుసా?

Plastic Notes

Plastic Notes: ప్రస్తుతం దేశంలో ప్లాస్టిక్‌ నోట్లపై చర్చ జోరుగా సాగుతోంది. అయితే ప్రస్తుతం ఉన్న కరెన్సీ స్థానంలో ప్లాస్టిక్‌ నోట్లను ప్రవేశపెట్టాలని ఆర్బీఐ యోచిస్తున్న తరుణంలో అవి ఎప్పుడు అందుబాటులోకి వస్తాయన్న చర్చ జరుగుతోంది. అయితే అంతా సవ్యంగా జరిగితే, కొత్త సంవత్సరంలో మీరు ప్లాస్టిక్ లేదా పాలిమర్ నోట్లను ఉపయోగించే అవకాశం ఉంటుంది. అయితే ఈ కరెన్సీకి కేంద్రం ఆమోదం తెలుపడంతో దీనిని అమలు చేయడానికి రిజర్వ్ బ్యాంక్ ఆఫ్ ఇండియా ఇప్పటికే ప్రక్రియను ప్రారంభించింది. అయితే, దీనిని అమలు చేయడంలో అనేక సవాళ్లు ఎదురయ్యే అవకాశం ఉందంటున్నారు బ్యాంకింగ్‌ నిపుణులు.

నగదు క్యాసెట్‌ను మార్చాల్సి ఉంటుంది:

ఒక ప్రధాన ప్రభుత్వ రంగ బ్యాంకుకు చెందిన సీనియర్ అధికారి మాట్లాడుతూ, పాలిమర్ నోట్లను ప్రవేశపెట్టాలన్న రిజర్వ్ బ్యాంక్ ఆఫ్ ఇండియా ప్రణాళిక చాలా ఖరీదైనది అవుతుందని, ఎందుకంటే ఏటీఎంలలోని క్యాష్ క్యాసెట్లను మార్చాల్సి ఉంటుందని అన్నారు. క్యాసెట్లను మార్చకుండా ప్రస్తుతం ఉన్న ఆటోమేటెడ్ టెల్లర్ మెషీన్లలో (ఏటీఎంలలో) పాలిమర్ నోట్లను పెట్టడం సాధ్యం కాదని ఆ బ్యాంకర్ చెప్పారు. దీనివల్ల బ్యాంకులకు అదనపు ఖర్చులు అవుతాయి. అయితే, దీనికి ఎంత ఖర్చు అవుతుందో బ్యాంకులు ఇంకా నిర్ణయించలేదు.

ఇది కూడా చదవండి: House Construction: 100 గజాల స్థలంలో బేస్‌మెంట్ వరకు ఎంత ఖర్చు అవుతుందో తెలుసా..? పూర్తి లెక్కలు ఇవే..!

దీనికి ఎంత ఖర్చు అవుతుంది?

ఆ బ్యాంకర్ ఏటీఎంను మార్చడానికి సుమారు రూ.2 లక్షలు ఖర్చవుతుందని అంచనా వేశారు. అయితే క్యాసెట్‌ను మార్చడానికి అయ్యే ఖర్చు తక్కువగా ఉంటుంది. మాకు తెలిసినంతవరకు భారతదేశంలో ఈ క్యాసెట్లను తయారు చేసే కంపెనీ ఏదీ లేదు, అందుకే వాటిని ఎక్కడ నుండి తెప్పించుకోవాలనే దానిపై మనం చర్చించుకోవాల్సి ఉంటుందని ఆ బ్యాంకర్ అన్నారు.

ఇది కూడా చదవండి: Electric Scooter: ఈ ఎలక్ట్రిక్ స్కూటర్ సగం ధరకే.. నెలకు EMI కేవలం రూ.1,863..!

బ్యాంకరుని ప్రకారం.. పాలిమర్ నోట్లను తొలుత ప్రవేశపెట్టడం దీర్ఘకాలంలో చాలా ఖర్చుతో కూడుకున్నది. నోటు సైజును మొదట మార్చినప్పుడు, కొత్త నోట్లను అందించే ఏటీఎంలలోని క్యాసెట్లను మార్చడానికి బ్యాంకులకు దాదాపు ఒక సంవత్సరం పట్టింది. ఏటీఎంలో వివిధ విలువల నోట్లను ఉంచే పెట్టెలనే క్యాసెట్లు అంటారు. ప్రతి ఏటీఎంలో ప్రతి విలువకు ఒక ప్రత్యేక క్యాసెట్ ఉంటుంది.

ఆర్‌బిఐ గవర్నర్ ఏమి చెప్పారు?

ప్రణాళిక ప్రకారం అంతా సవ్యంగా జరిగితే, వచ్చే ఆర్థిక సంవత్సరం ప్రారంభం నాటికి ప్లాస్టిక్ నోట్లు ప్రజల చేతుల్లోకి వస్తాయి. ఈ నోట్లను తొలుత పైలట్ టెస్టింగ్ కోసం ప్రవేశపెడతామని ఆర్‌బిఐ గవర్నర్ సంజయ్ మల్హోత్రా ఇటీవల తెలిపారు. అంతా సవ్యంగా జరిగితే, ఈ పైలట్‌ను విస్తరిస్తామని ఆయన అన్నారు. ప్రణాళిక ప్రకారం అంతా సవ్యంగా జరిగితే, వచ్చే ఆర్థిక సంవత్సరం ప్రారంభం నాటికి దీనిని ప్రవేశపెట్టాలని మేము లక్ష్యంగా పెట్టుకున్నాము అని సంజయ్ మల్హోత్రా చెప్పారు.

ఇది కూడా చదవండి: Gold Missing: బ్యాంక్ లాకర్‌లో రూ.50 లక్షల బంగారం మాయం.. కొట్టేసింది ఎవరు..?

పాలిమర్ పేపర్ కోసం టెండర్ ఆహ్వానించినట్లు ఆయన వివరించారు. అది అందిన తర్వాత దానికి పరీక్షలు, భద్రతా అనుమతులు ఇవ్వాల్సి ఉంటుంది. ఇందులో అనేక భద్రతా అంశాలతో సహా పలు దశలు ఉంటాయి. ఈ విషయాన్ని తగిన సమయంలో ప్రజలకు తెలియజేస్తామని ఆయన అన్నారు.

పాలిమర్ నోట్లను ప్రవేశపెట్టడం వెనుక రెండు లక్ష్యాలు ఉన్నాయి. మొదటిది ఇది నోట్ల మన్నికను పెంచుతుంది. ఈ నోట్లు అనేక దేశాలలో 30 సంవత్సరాలకు పైగా వాడుకలో ఉన్నాయి. కాగితపు నోట్ల కంటే మూడు నుండి నాలుగు రెట్లు ఎక్కువ కాలం మన్నికగా ఉంటాయని గుర్తించారు. అంతేకాకుండా, ఇది ఆర్‌బిఐ సామర్థ్యాన్ని పెంచుతుంది. ఆర్థిక వ్యవస్థ వృద్ధి చెందుతున్న కొద్దీ, సామర్థ్యాన్ని పెంచాల్సిన అవసరం కూడా పెరుగుతుంది.

ఇది కూడా చదవండి: Sukanya Samriddhi: సుకన్య సమృద్ధి పథకంలో నెలకు రూ.500 పొదుపు చేస్తే.. మెచ్యూరిటీ నాటికి వచ్చే మొత్తం ఎంత?

మరిన్ని బిజినెస్ వార్తల కోసం ఇక్కడ క్లిక్ చేయండి